ପୂର୍ବ ଶତ୍ରୁତାକୁ ନେଇ ଯୁବକଙ୍କୁ ହତ୍ୟା କଲା ସମ୍ପର୍କୀୟ ଦାଦା
ବ୍ରହ୍ମପୁର: ଗଂଜାମ ବ୍ରହ୍ମପୁର ସଦର ଥାନା ଅଂଚଳରେ ହତ୍ଯାକାଣ୍ଡ। ସଦର ଥାନା ଅନ୍ତର୍ଗତ ରୋହିଗାଁ ବଡସାହିରେ ଜଣେ ଯୁବକକୁ ହତ୍ୟା। ମୃତ ଯୁବକ ଜଣକ ହେଲେ ମଧୁସୂଦନ ଜେନା। ଯୁବକଙ୍କ ସମ୍ପର୍କୀୟ ଦାଦା ଓ ତାଙ୍କ ପୁଅ ମିଳିତ ଭାବେ ଆକ୍ରମଣ କରିଥିବା ଅଭିଯୋଗ ହୋଇଛି। ପୂର୍ବ ଶତ୍ରୁତାକୁ ନେଇ ଗତକାଲି ବିଳମ୍ବିତ ରାତିରେ ଉଭୟ ପକ୍ଷ ମଧ୍ୟରେ ଗଣ୍ଡଗୋଳ ହୋଇଥିଲା।
ଆକ୍ରମଣରେ ମଧୁସୂଦନଙ୍କ ମୃତ୍ୟୁ ହୋଇଥିବା ଜଣାପଡିଛି। ଆକ୍ରମଣକାରୀ ପ୍ରସନ୍ନ ଜେନା ମଧ୍ୟ ଆହତ ହୋଇଥିବାରୁ ତାଙ୍କୁ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରାଯାଇଛି। ସିପୁ ଜେନା ନାମକ ଅଭିଯୁକ୍ତ ଫେରାର ହୋଇଯାଇଛି। ଘଟଣାସ୍ଥଳରେ ସଦର ଥାନା ଅଧିକାରୀ ଟିମ ଧରି ପହଞ୍ଚି ତଦନ୍ତ ଆରମ୍ଭ କରିଛି।
ଏବେବି ଯୁବକଙ୍କ ଶବ ଘରେ ପଡି ରହିଛି।ମୃତକଙ୍କ ପରିବାର ପଶ୍ଚିମବଂଗରେ ରହୁଛନ୍ତି। ଘରେ କିଏ ନଥିବାବେଳେ ସମ୍ପର୍କୀୟ ଦାଦା ଓ ଭାଇ ଆକ୍ରମଣ କରିଥିଲେ। ମୃତଦେହ ଜବତ କରି ଶବ ବ୍ୟବଛେଦ ଲାଗି ପ୍ରକ୍ରିୟା ଆରମ୍ଭ କରିଛି ପୋଲିସ।
