କଟକ-ଭୁବନେଶ୍ବରରେ ବାଙ୍ଗଲାଦେଶୀ ଦେହଜୀବୀ : ଆଉ ଜଣେ ଦଲାଲ ଗିରଫ

କଟକ : କଟକ-ଭୁବନେଶ୍ବରରେ ବାଙ୍ଗଲାଦେଶୀ ନାବାଳିକା ଓ ଯୁବତୀଙ୍କୁ ଆଣି ଅନୈତିକ ଦେହ ବେପାରରେ ଲଗାଯିବା ଘଟଣା ପଦାକୁ ଆସିବା ପରେ ଆକ୍ସନ ମୋଡରେ ପୋଲିସ । କଟକରେ CWC ଆଗରରେ ଉଦ୍ଧାର ନାବାଳିକା ଦେଇଥିବା ବୟାନକୁ ଆଧାର କରି ବିଭିନ୍ନ ସ୍ଥାନରେ ଚଢାଉ କରି ଜାରି ରଖିଛି । ମାମଲାରେ ଆଜି ଆଉ ଜଣଙ୍କୁ ଗିରଫ କରିଛି ପୋଲିସ । ନାବାଳିକାଙ୍କ ବୟାନକୁ ଭିତ୍ତିକରି ଭୁବନେଶ୍ଵରରୁ ଅବଦୁଲ ସୟଦ୍ ଉଲ୍ଲା ସୁଲେମାନଙ୍କୁ ଗିରଫ କରିଛି ପୋଲିସ । ଏବେବି କିଛି ଅଭିଯୁକ୍ତ ଫେରାର ଅଛନ୍ତି । ସେମାନଙ୍କୁ ଧରିବା ପାଇଁ ଉଦ୍ୟମ କରୁଛି ପୋଲିସ । ନାବାଳିକାଙ୍କ ପରିବାର ସହ ପୋଲିସର ଯୋଗାଯୋଗ ହୋଇଛି । ନାବାଳିକାଙ୍କ ସଂପର୍କରେ ତଥ୍ଯ ପ୍ରମାଣ ସମ୍ବଳିତ କାଗଜ ପତ୍ର ମାଗିଛି ପୋଲିସ । ନ୍ୟାୟିକ ପ୍ରକ୍ରିୟା ପରେ  ନାବାଳିକାଙ୍କୁ ଘରକୁ ପଠାଇବା ପାଇଁ ଉଦ୍ୟମ କରାଯିବ ବୋଲି ସୂଚନା ମିଳିଛି । ଗତକାଲି ମାମଲାରେ ସଦର ଗୋପାଳପୁରରୁ ଦମ୍ପତି ପ୍ରକାଶ ଚୌଧୁରୀ ଓ ଜସ୍ମିନ ଚୌଧୁରୀଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ମଧୂପାଟଣା ପୋଲିସ । ନାବାଳିକଙ୍କ ସ୍ବାସ୍ଥ୍ଯ ପରୀକ୍ଷା ସହ ମାଜିଷ୍ଟ୍ରେଟଙ୍କ ଆଗରେ ବୟାନ ରେକର୍ଡ ହୋଇଥିଲା । ଗତ ୧୦ ତାରିଖରୁ ନାବାଳିକା CWC ପାଖରେ ଥିବା ବେଳେ ତାଙ୍କର ସ୍ବାସ୍ଥ୍ୟବସ୍ଥା ଭଲ ଅଛି । ନ୍ୟାୟିକ ପ୍ରକ୍ରିୟା ପରେ ନାବାଳିକାଙ୍କ ବାଂଲାଦେଶ ପଠାଇବା ପାଇଁ ହାଇ କମିଶନଙ୍କ ସହ ଯୋଗାଯୋଗ କରାଯିବ ବୋଲି କହିଛନ୍ତି CWC ଅଧ୍ଯକ୍ଷ । ବାଂଲାଦେଶରୁ ଯୁବତୀଙ୍କୁ ଆଣି ଲକ୍ଷ ଲକ୍ଷ ଟଙ୍କା ଦେଇ ଟୁଇନସିଟିରେ ରଖି ଅନୈତିକ କାମରେ ନିୟୋଜିତ କରୁଛନ୍ତି ଦଲାଲ । ସେମାନଙ୍କ ଖୋଜି ବାହାର କରିବା ସହ ଦଲାଲଙ୍କୁ ଗିରଫ କରିବାକୁ ପୋଲିସର ସ୍ପେଶାଲ ଟିମ୍ ଛାନଭିନ୍ନ ଜାରି ରଖିଛି ।