ନନ୍ଦିଘୋଷ ବ୍ୟୁରୋ: ଐତିହାସିକ ବିଜୟ ଅପେକ୍ଷାରେ ଭାରତ। ଅଷ୍ଟ୍ରେଲିଆର ପର୍ଥରେ ଖେଳାଯାଉଥିବା ବର୍ଡର ଗାଭାସ୍କର ଟ୍ରଫିର ପ୍ରଥମ ଟେଷ୍ଟରେ ଡ୍ରାଇଭର ସିଟରେ ଟିମ୍ ଇଣ୍ଡିଆ। ଆଜି ଚତୁର୍ଥ ଦିନର ମ୍ୟାଚ୍ । ବିଜୟ ପାଇଁ ଏବେ ଅଷ୍ଟ୍ରେଲିଆ ଆଗରେ ୫୩୪ ରନର ଟାର୍ଗେଟ୍ ରହିଛି। ଗତକାଲି ଟେଷ୍ଟର ତୃତୀୟ ଦିନରେ ଭାରତ ପକ୍ଷରୁ ଦମଦାର ପ୍ରଦର୍ଶନ କରିଥିଲେ ବିରାଟ୍ କୋହଲି ଓ ଜଶଶ୍ବୀ ଜୟସ୍ବାଲ।
କୋହଲି ଶହେ ରନରେ ନଟ୍ ଆଉଟ୍ ଥିବା ବେଳେ ଜୟସ୍ବାଲ ୧୬୧ ରନର ଚମତ୍କାର ପାରି ଖେଳିଥିଲେ। ପ୍ରଥମ ଇନିଂସରେ ଖରାପ ପ୍ରଦର୍ଶନ କରିଥିବା ଭାରତୀୟ ଟିମ୍ ଦ୍ବିତୀୟ ଇନିଂସରେ ବଡ଼ ସ୍କୋର କରି ୫୩୪ ରନର ଟାର୍ଗେଟ୍ ଦେଇଥିଲେ। ତୃତୀୟ ଦିନରେ ଅଷ୍ଟ୍ରେଲିଆ ୩ ୱିକେଟ୍ ହରାଇ ୧୨ ରନ୍ କରିଛି। ଆଜି ସକାଳୁ ଆଉ ଦୁଇଟି ୱିକେଟ ଯାଇଛି। ମଧ୍ୟାହ୍ନ ଭୋଜନ ବିରତି ସୁଦ୍ଧା ୫ ୱିକେଟ ହରାଇ ଅଷ୍ଟ୍ରେଲିଆ କରିଛି ୧୦୪ ରନ୍ ।
