ନବୀନ ସରକାରଙ୍କ ସଫଳତାର ଶ୍ରେୟ ନେଉଛନ୍ତି ବର୍ତ୍ତମାନର ମୁଖ୍ୟମନ୍ତ୍ରୀ: ବିଜେଡି

ଭୁବନେଶ୍ବର: ନବୀନ ସରକାରଙ୍କ ସଫଳତାର ଶ୍ରେୟ ନେଉଛନ୍ତି ବର୍ତ୍ତମାନର ମୁଖ୍ୟମନ୍ତ୍ରୀ । ପ୍ରେସମିଟ୍ କରି ଏଭଳି ସୂଚନା ଦେଇଛି ବିଜେଡି । ଆଜି ସିଙ୍ଗାପୁର ସ୍ଥିତ ଆଇଟିଇଇଏସ ସହ ରାଜ୍ୟ ସରକାର ଏମଓୟୁ ସ୍ଵାକ୍ଷର କରିଛନ୍ତି । ଏଥିରେ ୯ଟି ଇନୋଭେସନ ପାଠ୍ୟକ୍ରମ ଉପରେ ପ୍ରଶିକ୍ଷଣ ଦିଆଯିବ ବୋଲି କୁହାଯାଇଛି । ମାତ୍ର ପୂର୍ବ ସରକାର ଓଡ଼ିଶାର ଯୁବପିଢିଙ୍କ ଦକ୍ଷତା ବିକାଶ ପାଇଁ ୨୦୧୭ ମସିହାରେ ସିଙ୍ଗାପୁରର ସେହି ସଂସ୍ଥା ସହ ଏକ ଏମଓୟୁ କରିଥିଲେ । ପରେ ୨୦୨୩ ମସିହାରେ ଦ୍ଵିତୀୟ ପର୍ଯ୍ୟାୟ ପାଇଁ ଆଉ ଥରେ ଏମଓୟୁ କରାଯାଇଥିଲା । ଯାହାକୁ ଆଧାର କରି ଓଡ଼ିଶାର ଯୁବକ ଯୁବତୀ ମାନେ ପ୍ରଶିକ୍ଷଣ ପାଉଥିଲେ ।

ରାଜ୍ୟରେ ବିଜେପି ସରକାର କ୍ଷମତାକୁ ଆସିବା ପରେ, କେବଳ ନାମ ଓ ରଙ୍ଗ ପରିବର୍ତ୍ତନ କରି ବାହାବା ନେବା ପାଇଁ ଉଦ୍ୟମ କରୁଛନ୍ତି । ଆଜିର ଏମଓୟୁ ମଧ୍ୟ ସରକାରଙ୍କ ଏହି ଦିଗରେ ଆଉ ଏକ ପ୍ରୟାସ । ତେଣୁ କପି ପେଷ୍ଟ ନକରି କିଛି କାମ କରନ୍ତୁ ବୋଲି କହିଛନ୍ତି ବରିଷ୍ଠ ବିଜେଡି ନେତା ପ୍ରୀତିରଞ୍ଜନ ଘଡ଼ାଇ ।