ଜଙ୍ଗଲରେ ପଡ଼ିଛି ପୁଳା ପୁଳା ସ୍କୁଲ ଡ୍ରେସ୍ ଓ ଜୋତା
କୋରାପୁଟ: ବୈପାରୀଗୁଡ଼ା ନିକଟ ଜଙ୍ଗଲରେ ପଡିଛି ପୁଳା ପୁଳା ଜୋତା ସହ ଡ୍ରେସ । ଏଗୁଡିକ ସ୍କୁଲ ଡ୍ରେସ୍ ବୋଲି କୁହାଯାଉଛି । ତେବେ କିଏ ଓ କାହିଁକି ଏତେ ପରିମାଣରେ ଡ୍ରେସ ଓ ଜୋତା ଏଠାରେ ପକାଇଛି ତାହା ପ୍ରଶ୍ନବାଚୀ ସୃଷ୍ଟି କରିଛି ।
କିଛି ବର୍ଷ ହେବ ଏହି ଅଞ୍ଚଳରେ ମାଓବାଦୀଙ୍କ ଗତିବିଧି ବୃଦ୍ଧି ପାଇଥିଲା । ହେଲେ ଏବେ ଅଞ୍ଚଳରେ ସେମାନଙ୍କ ପ୍ରଭାବ ନାହିଁ । ଏମିତି ସ୍ଥିତିରେ ଏହା ମାଓବାଦୀଙ୍କ କାମ କି ଆଉ କିଏ ଏହାକୁ ଗଦା କରିଛି ତାହାକୁ ନେଇ ସନ୍ଦେହ ସୃଷ୍ଟି ହୋଇଛି ।
ତେବେ ଏତେ ପରିମାଣରେ ଜୋତା ଓ ଡ୍ରେସ ଏମିତି ପଡ଼ିବାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । ଏହା ମାଓବାଦୀଙ୍କ କାମ ହୋଇଥାଇ ପାରେ ଭାବେ ଲୋକେ ଭୟଭୀତ ହୋଇଯାଇଛନ୍ତି ।
