ରାଜଧାନୀରେ ଦୁଇ ବାର୍ ସିଲ୍ କଲା ଅବକାରୀ ବିଭାଗ
ଭୁବନେଶ୍ବର: ନିୟମ ଉଲ୍ଲଂଘନ ବାର୍ ମାଲିକଙ୍କୁ ପଡ଼ିଲା ଭାରି । ରାଜଧାନୀରେ ସିଲ୍ ହେଲା ଦୁଇଟି ବାର୍ । ଆମ୍ବିଆନ୍ସ ଓ ବାର୍ବୀ ବାର୍ ଉପରେ ଚଢ଼ାଉ କରି ସିଲ୍ କରିଛି ଅବକାରୀ ବିଭାଗ ।
ମିଳିଥିବା ସୂଚନା ଅନୁସାରେ, ବିଳମ୍ବିତ ରାତି ପର୍ଯ୍ୟନ୍ତ ଗଳା ବାଟ ଦେଇ ଚାଲିଥିଲା ବାର । ଏପରିକି ବିନା ଅନୁମତିରେ ମହିଳାଙ୍କୁ ନିୟୋଜିତ କରାଯାଉଥିବା ଅବକାରୀ ବିଭାଗ ଖବର ପାଇଥିଲା । ଏହାକୁ ଆଧାର କରି ବିଭାଗୀୟ ଅଧିକାରୀମାନେ ଗତ ରାତିରେ ଦୁଇ ବାର ଉପରେ ହଠାତ ଚଢ଼ାଉ କରିଥିଲେ ।
ଆଗାମୀ ଦିନରେ ଏଭଳି ଅଭିଯାନ ଜାରି ରହିବ । ଯିଏ ବି ଆଇନ ଉଲ୍ଲଂଘନ କରିବ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ଅବକାରୀ ସୁପରିଟେଣ୍ଡେଣ୍ଟ କହିଛନ୍ତି ।
