ଗେଲ୍ ଇଣ୍ଡିଆର ଗ୍ଯାସ ପାଇପ ବିଛାଇବା ନୀତିକୁ ଚାଷୀଙ୍କ ବିରୋଧ

ନନ୍ଦିଘୋଷ ବ୍ୟୁରୋ: ଗେଲ୍ ଇଣ୍ଡିଆର ଗ୍ୟାସ୍ ପାଇପ୍ ବିଛାଇବା ନୀତିକୁ ଚାଷୀଙ୍କ ବିରୋଧ ।  ଗଜପତି ଜିଲ୍ଲା ଗୋଷାଣୀ ବ୍ଲକର ବିଭିନ୍ନ ସ୍ଥାନରେ ଗେଲ୍ ଇଣ୍ଡିଆ ପକ୍ଷରୁ ଜାରି ରହିଛି ଗ୍ୟାସ୍ ପାଇପ ବିଛାଇବା କାର୍ଯ୍ୟ । ଫଳରେ ଏକର ଏକର ଜମି ହରାଇବାକୁ ବସିଛନ୍ତି ଚାଷୀ । ହେଲେ କ୍ଷତିଗ୍ରସ୍ତ ଚାଷୀଙ୍କୁ ବର୍ତ୍ତମାନର ବଜାର ଦର ଅନୁସାରେ ଉଚିତ୍ ମୂଲ୍ଯ ଦିଆଯାଉନଥିବା ଅଭିଯୋଗ । ଯାହାକୁ ନେଇ ଚାଷୀଙ୍କ ମଧ୍ଯରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।

ଗେଲ୍ ଇଣ୍ଡିଆର ଗ୍ଯାସ ପାଇପ ବିଛାଇବା ନୀତିକୁ ଚାଷୀଙ୍କ ବିରୋଧ । ଗଜପତି ଜିଲ୍ଲା ଗୋଷାଣି ବ୍ଲକର ବିଭିନ୍ନ ସ୍ଥାନରେ ଗେଲ୍ ଇଣ୍ଡିଆ ପକ୍ଷରୁ ଜାରି ରହିଛି ଗ୍ୟାସ୍ ପାଇପ ବିଛାଇବା କାର୍ଯ୍ୟ । ଏଥିରେ ପ୍ରାୟତଃ ୫୦ ଫୁଟ ପ୍ରଶସ୍ତରେ ଜମି ଅଧିଗ୍ରହଣ କରୁଛି କମ୍ପାନୀ । ଫଳରେ ଏକର ଏକର ଜମି ହରାଇବାକୁ ବସିଛନ୍ତି ଚାଷୀ । କ୍ଷତିଗ୍ରସ୍ତ ଚାଷୀଙ୍କୁ ବର୍ତ୍ତମାନର ବଜାର ଦର ଅନୁସାରେ ଉଚିତ୍ ମୂଲ୍ଯ ଦିଆଯାଉନଥିବା ଅଭିଯୋଗ । ଫଳରେ କମ୍ପାନୀର ଜମି ଅଧିଗ୍ରହଣ ନୀତିକୁ ବିରୋଧ କରି ଚାଷୀମାନେ ନିଜ ନିଜ ଚାଷ ଜମି ଛାଡିବାକୁ ରାଜି ହେଉନାହାଁନ୍ତି । ଯାହାକୁ ନେଇ ମାନ୍ୟବର ଉଚ୍ଚ ନ୍ୟାୟାଳୟର ଦ୍ବାରସ୍ତ ହୋଇଛନ୍ତି ଚାଷୀ। ବର୍ତ୍ତମାନ ଏହି ମାମଲା ଓଡ଼ିଶା ହାଇକୋର୍ଟରେ ବିଚାରାଧୀନ ରହିଛି। କେତେକ ଜମିକୁ ନେଇ ମାମଲା ଉଚ୍ଚ ନ୍ୟାୟାଳୟରେ ବିଚାରଧିନ ରହିଥିଲେ ମଧ୍ୟ ଗେଲ୍ ଇଣ୍ଡିଆ ତରଫରୁ ଜମି ଖୋଳିବାକୁ ନୋଟିସ ଜାରି କରାଯାଇଛି। ଏବଂ କମ୍ପାନୀ ପକ୍ଷରୁ ଜବରଦସ୍ତି ଭାବେ ଗ୍ୟାସ୍ ପାଇପ ବିଛାଇବା ପାଇଁ ଉଦ୍ୟମ କରାଯାଉଥିବାରୁ ଏହାକୁ ଦୃଢ ବିରୋଧ କରିଛନ୍ତି କ୍ଷତିଗ୍ରସ୍ତ ହେବାକୁ ଥିବା ଚାଷୀମାନେ।  ତେବେ ଗୋଟିଏ ସରକାରୀ କମ୍ପାନୀ ପ୍ରତି ପ୍ରଶାସନର ଅନୁକମ୍ପା ମୂଳକ ପଦକ୍ଷେପକୁ ତୀବ୍ର ନିନ୍ଦା କରାଯାଇଛି।

ଗେଲ୍ ଇଣ୍ଡିଆ ତରଫରୁ ଯେଉଁ ପାଇପ ବିଛାଇବା କାର୍ଯ୍ଯ ଆରମ୍ଭ ହୋଇଛି ତାହା ଦ୍ବାରା ଚାଷୀଙ୍କର ବର୍ଷକର ଦାନାପାଣି ନଷ୍ଟ ହେବାକୁ ବସିଛି । ବର୍ତ୍ତମାନ ଜମିରେ ଧାନ ଫସଲ ରହିଛି । କିଛି ଦିନ ମଧ୍ୟରେ ଅମଳ ହେବ ଧାନ। ଏପରି ସମୟରେ ଜୋର ଜବରଦସ୍ତ ଜମି ଖୋଳିବାକୁ ଜେସିବି ମେସିନ ନେଇ ପହଞ୍ଚିଛି ଗେଲ୍ ଇଣ୍ଡିଆ କମ୍ପାନୀ । ଯାହାକୁ ନେଇ ବ୍ୟତିବ୍ୟସ୍ତ ହୋଇ ପଡ଼ିଛନ୍ତି ପ୍ରଭାବିତ ହେବାକୁ ଥିବା ଚାଷୀମାନେ।  ଚାଷୀମାନେ କହିଛନ୍ତି ଯେ, ଜମିର ସଠିକ୍ ମୂଲ୍ୟ ନିର୍ଦ୍ଧାରଣ ନ କଲେ ଆମ୍ଭେ ଇଞ୍ଚେ ଜମି ଦେବୁ ନାହିଁ । ମାନ୍ୟବର ଉଚ୍ଚ ନ୍ୟାୟାଳୟର ରାୟ ନଆସିବା ପର୍ଯ୍ୟନ୍ତ ଆମ୍ଭେ କାହାରି କଥା ଶୁଣିବୁ ନାହଁ ବୋଲି କହିଛନ୍ତି । ଯଦି ଜବରଦସ୍ତି ଭାବେ ଗ୍ୟାସ୍ ପାଇପ୍ ବିଛା ଯାଏ ତେବେ ଘୋର ପ୍ରତିବାଦ କରାଯିବ । ଗେଲ୍ ଇଣ୍ଡିଆ ପକ୍ଷରୁ ଗାରାବନ୍ଧ ଅଞ୍ଚଳରେ ଗ୍ୟାସ୍ ପାଇପ ଲାଇନ ବିଛାଇବା ପାଇଁ ସମସ୍ତ ଉପକରଣ ନେଇ ପହଞ୍ଚିଛି କମ୍ପାନୀ। ଯାହାକୁ ଦେଖି ଚାଷୀମାନେ ଛାନିଆ ହୋଇପଡିଛନ୍ତି ।