ସମୁଦ୍ରରେ ଫସିଲେ ବୋଇତ ବନ୍ଦାଣ ଦେଖିବାକୁ ଯାଇଥିବା ୮୦ ଯାତ୍ରୀ

ବାସୁଦେବପୁର: ବୋଇତ ବନ୍ଦାଣ ଦେଖିବାକୁ ଯାଇ ସମୁଦ୍ରରେ ଫସିଲେ ୮୦ ଯାତ୍ରୀ । ମଝି ସମୁଦ୍ରରେ ଯାତ୍ରୀମାନେ ଏକ ବୋଟରେ ଫସି ରହିଥିବା ଜଣାପଡିଛି । ଜୁଆର ଛାଡିଯିବାରୁ ଯାତ୍ରୀମାନେ ବୋଟଟି କୂଳକୁ ଫେରିପାରୁନି ।

ମିଳିଥିବା ସୂଚନା ଅନୁସାରେ, ବୋଇତ ବନ୍ଦାଣ ଦେଖିବାକୁ ଭଦ୍ରକ ଜିଲ୍ଲା ବାସୁଦେବପୁରର ଚୂଡ଼ାମଣି ଘାଟରୁ ୮୦ ଜଣ ଲୋକ ଏକ ବୋଟରେ ସମୁଦ୍ର ମଧ୍ୟକୁ ଯାଇଥିଲେ । ତେବେ ସେଠାରୁ ଫେରିବା ବେଳେ ଜୁଆର ଛାଡି ଯିବାରୁ ବୋଟଟି ସମୁଦ୍ର ଭିତରେ ଅଟକି ରହିଛି । ଆଉ ଏଥିରେ ଥିବା ସମସ୍ତ ଯାତ୍ରୀ ମଧ୍ୟ ବୋଟ ସହ ସମୁଦ୍ରରେ ଫସି ରହିଛନ୍ତି । ସନ୍ଧ୍ୟାରେ ପୁଣି ଜୁଆର ଆସିବା ପରେ ବୋଟଟି ଫସିଥିବା ଲୋକଙ୍କୁ ନେଇ କୂଳକୁ ଫେରିବ ବୋଲି ଜଣାପଡ଼ିଛି ।