ରାଜଧାନୀରେ ଆତଙ୍କ, ଯୁବକଙ୍କୁ ଗୋଡାଇ ଗୋଡାଇ ହାଣିଲେ ମୁଖାପିନ୍ଧା ଦୁର୍ବୃତ୍ତ

ଭୁବନେଶ୍ବର: ପୁଣି ରାଜଧାନୀରେ ହିଂସା । ରାତିଅଧରେ ଯୁବକଙ୍କୁ ଗୋଡାଇ ଗୋଡାଇ ହାଣିଲେ ମୁଖାପିନ୍ଧା ଦୁର୍ବୃତ୍ତ । ସର୍ଜିକାଲ ବ୍ଲେଡ ଏବଂ ଛୁରୀ ଦ୍ବାରା ଯୁବକଙ୍କୁ ଆକ୍ରମଣ କରିଥିବା ସୂଚନା  । ଆକ୍ରମଣରେ ଯୁବକଙ୍କ ପିଠି, ମୁହଁ ଏବଂ ହାତରେ ଭଗୀର ଆଘାତ ଲାଗିଛି ।  ପୂର୍ବଶତ୍ରୁତାରୁ ଗୋଡେଇ ଗୋଡେଇ ହାଣିଲେ । ବିଚ ରାସ୍ତାରେ ସର୍ଜିକାଲ ବ୍ଲେଡରେ କଲେ ଖଣ୍ଡିଆ ଖାବରା । ରାଜଧାନୀର ବଡଗଡ଼ ଅଞ୍ଚଳରେ ଘଟିଛି ଏଭଳି ଘଟଣା। ଆହତ ହେଉଛନ୍ତି ବଡଗଡ଼ ଗାଁର ଦୀପକ ପ୍ରଧାନ । ଗତକାଲି ରାତି ପ୍ରାୟ ୧୧ ଟା ବେଳେ ଦୀପକ ନିଜ ଘରକୁ ଫେରୁଥିବା ବେଳେ ହୋଇଛି ଆକ୍ରମଣ। କିଛି ମୁଖା

ମୁଖାପିନ୍ଧା ଦୁର୍ବୃତ୍ତ ଏକ ପଲସର ବାଇକରେ ଆସି ତାଙ୍କୁ ପ୍ରଥମେ ଗୋଇଠା ମାରିଥିଲେ । ଭାରସାମ୍ୟ ହରାଇ  ଯୁବକ ପଡିଯିବା ପରେ ଛୁରୀ ଓ ସର୍ଜିକାଲ ବ୍ଲେଡ଼ ସାହାଯ୍ୟରେ ପିଠି, ହାତ, ମୁହଁ କାଟି ପକାଇଥିଲେ । ପୋଲିସରେ ଏନେଇ ଏତଲା ପରେ ଛାନବିନ ଆରମ୍ଭ କରିଛି ପୋଲିସ। ଆଖପାଖ ସିସିଟିଭି ଯାଞ୍ଚ କରାଯାଉଛି। ପୂର୍ବରୁ ପଳାସପଲ୍ଲୀରେ ଶିବ ଶ୍ରୀଚନ୍ଦନଙ୍କୁ ମରଣାନ୍ତକ ଆକ୍ରମଣ ଘଟଣାରେ ପୋଲିସର ହାତ ଖାଲିରହିଛି। ପୁଣି ଏଭଳି ଘଟଣା କମିଶନରେଟ ପୋଲିସ ପାଇଁ ବଡ଼ ଚ୍ୟାଲେଞ୍ଜ ସୃଷ୍ଟି କରିଛି।