ଇକୋଟୁରିଜିମ୍ରୁ ସାଢେ ୭ ଫୁଟର କୁମ୍ଭୀର ଉଦ୍ଧାର
ବାଲେଶ୍ବର: ବିଚିତ୍ରପୁର ଇକୋଟୁରିଜିମରୁ ସାଢ଼େ ୭ ଫୁଟର କୁମ୍ଭୀର ଉଦ୍ଧାର। ବିଳମ୍ବିତ ରାତିରେ ବନବିଭାଗର ୩୦ ଜଣିଆ ଟିମ୍ କୁମ୍ଭୀରଟିକୁ ଉଦ୍ଧାର କରିଛି। ଗତ କାଲି ମଧ୍ୟାହ୍ନରେ ହେନ୍ତାଳ ବଣ ଭିତରେ କୁମ୍ଭୀର ଦେଖିଥିଲେ ମତ୍ସ୍ୟଜୀବୀ ।
ଏନେଇ ବନବିଭାଗକୁ ଖବର ଦେଇଥିଲେ। କୁମ୍ଭୀରଟିକୁ ଉଦ୍ଧାର କରିବା ପାଇଁ ଭିତର କନିକାର ରେସ୍କ୍ୟୁ ଟିମ୍, ଉଦୟପୁର ଫରେଷ୍ଟର, ଜଳେଶ୍ଵର ରେଞ୍ଜର ଓ ସବୁଜ ବାହିନୀ ଜାଲ ଲଗାଇ ଖୋଜା ଖୋଜି କରିଥିଲେ। କୁମ୍ଭୀରକୁ ଉଦ୍ଧାର ପରେ ଭିତର କନିକାକୁ ସ୍ଥାନାନ୍ତର କରାଯାଇଛି । ବଉଳା ପ୍ରଜାତିର କୁମ୍ଭୀରଟି ହୋଇଥିବା ବନବିଭାଗ ପକ୍ଷରୁ ସୂଚନା ଦିଆଯାଇଛି। ବାତ୍ୟା ଦାନା ପ୍ରଭାବରେ ଚାଲିଆସିଥିବା ଅନୁମାନ କରାଯାଉଛି।
