ମାତ୍ର ୩୫ ବର୍ଷ ବୟସରେ ଆଖି ବୁଜିଲେ ଅଭିନେତା ନୀତିନ
ମୁମ୍ବାଇ: ଟେଲିଭିଜନ ଦୁନିଆର ଜଣାଶୁଣା ଅଭିନେତା ନୀତିନ ଚୌହାନଙ୍କ ପରଲୋକ । ରିଆଲିଟି ଶୋ ଦାଦାଗିରି ୨ ର ବିଜେତା ନୀତିନ ମାତ୍ର ୩୫ ବର୍ଷ ବୟସରେ ପ୍ରାଣ ହରାଇଛନ୍ତି ।
ଉତ୍ତର ପ୍ରଦେଶ ଆଲିଗଡର ନିତିନ ଦାଦାଗିରି ୨ ରିଆଲିଟି ଶୋ ଜିତିବା ପରେ ଲୋକପ୍ରିୟ ହୋଇଥିଲେ । ଏମଟିଭି ସ୍ପିଲଟ୍ସଭିଲା, ଜିନ୍ଦେଗୀ ଡଟ୍ କମ୍, କ୍ରାଇମ ପେଟ୍ରୋଲ ଓ ଫ୍ରେଣ୍ଡସ ଭଳି ଟିଭି ଶୋ’ରେ ସେ ନଜର ଆସିଛନ୍ତି ।
ନିତିନଙ୍କ ଶେଷ ସୋ ତେରା ୟାର ହୁଁ ମେର ସହ ଅଭିନେତା ତାଙ୍କ ମୃତ୍ୟୁ ଖବର ପ୍ରକାଶ କରିଛନ୍ତି । ସେ ଆତ୍ମହତ୍ୟା କରିଥିବା ତାଙ୍କ କୋଷ୍ଟାର କହିଛନ୍ତି । ତେବେ ଆତ୍ମହତ୍ୟାର କାରଣ ଜଣାପଡିନାହିଁ । ନିତିନଙ୍କ ବାପା ମୁମ୍ବାଇ ଆସୁଛନ୍ତି । ଶବ ବ୍ୟବଚ୍ଛେଦ ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ।
