ଇରାନ ବିଶ୍ୱବିଦ୍ୟାଳୟରେ ହିଜାବ ବିରୋଧରେ ଅର୍ଦ୍ଧନଗ୍ନ ହୋଇ ପ୍ରତିବାଦ କରିଥିବା ଛାତ୍ରୀଙ୍କର କ’ଣ ହେଲା ?

ନନ୍ଦିଘୋଷ ବ୍ୟୁରୋ: ଇରାନର ଏକ ବିଶ୍ୱବିଦ୍ୟାଳୟରେ ଯୁବତୀ ଅର୍ଦ୍ଧନଗ୍ନ ହେବା ଘଟଣା । ସୋସିଆଲ ମିଡିଆରେ ଯୁବତୀଙ୍କୁ ସମର୍ଥନ କରି ୟୁଜର୍ସ ଦାବି କରିଛନ୍ତି ଯେ, ଯୁବତୀ ଜଣଙ୍କ ହିଜାବକୁ ଦୃଢ ବିରୋଧ କରି ସର୍ବସାଧାରଣରେ ଅନ୍ତଃବସ୍ତ୍ରରେ ପ୍ରତିବାଦ କରିଥିଲେ। ଠିକ୍ ସେହିପରି ସମର୍ଥନ କରିଥିଲେ ଯେପରି ଦୁଇ ବର୍ଷ ପୂର୍ବେ ପୋଲିସ୍ ହେପାଜତରେ ମୃତ୍ୟୁବରଣ କରିଥିବା ମହସା ଅମିନୀଙ୍କୁ। ମହସା ହିଜାବ୍ ସଠିକ୍ ଭାବରେ ନ ପିନ୍ଧିବା’ କାରଣରୁ ତାଙ୍କୁ ଗିରଫ କରାଯାଇଥିଲା।

ଇରାନ ପରି ଦେଶରେ, ଯେଉଁଠାରେ ହିଜାବକୁ ଠିକ୍ ଭାବରେ ନ ପିନ୍ଧିଲେ ଜେଲ ହୋଇଯାଏ, ଏଭଳି ଘଟଣା ଘଟିବା ଏକ ଆଶ୍ଚର୍ଯ୍ୟଜନକ। ଏଭଳି ପରିସ୍ଥିତିରେ, ଏହି ବିରୋଧ ପରେ ଯୁବତୀଙ୍କ ସହ କ’ଣ ଘଟିଛି ଏବଂ ବର୍ତ୍ତମାନ ସେ କେଉଁଠାରେ ଅଛନ୍ତି ତାହା ବଡ ପ୍ରଶ୍ନ ସୃଷ୍ଟି କରିଛି । ଏକ ରିପୋର୍ଟ ଅନୁଯାୟୀ, ଯୁବତୀ ହିଜାବ ନ ପିନ୍ଧି ବିଶ୍ୱବିଦ୍ୟାଳୟକୁ ପ୍ରବେଶ କରିବାରୁ ସୁରକ୍ଷା କର୍ମୀମାନେ ତାଙ୍କୁ ଅଟକାଇଥିଲେ ଏହା ପରେ ମହିଳା ଜଣକଙ୍କ ନିଜର ପୋଷାକ କାଢି ଦେଇଥିଲେ।

ଏହି ଘଟଣା ତେହେରାନର ଇସଲାମିକ ଆଜାଦ ବିଶ୍ୱବିଦ୍ୟାଳୟର କ୍ୟାମ୍ପସରେ ଘଟିଛି। ସୂଚନା ଅନୁଯାୟୀ, ଘଟଣା ପରେ ମହିଳାଙ୍କୁ ପ୍ରଥମେ ପୋଲିସ ଷ୍ଟେସନକୁ ନିଆଯାଇଥିଲା ଏବଂ ପରେ ତାଙ୍କୁ ପାଗଳ ଖାନାକୁ ପଠାଯାଇଥିଲା। ଯୁବତୀ ଜଣଙ୍କ ମାନସିକ ରୋଗରେ ପୀଡିତ ଥିବା ବିଶ୍ୱବିଦ୍ୟାଳୟର ମୁଖପାତ୍ର କହିଛନ୍ତି ।