ହିଜବ ବିରୋଧରେ ଅର୍ଦ୍ଧନଗ୍ନ ହେଲେ ଛାତ୍ରୀ !
1 min read
ନନ୍ଦିଘୋଷ ବ୍ୟୁରୋ: ଇରାନରେ ମହିଳାମାନେ ଅନେକ ଦିନ ଧରି ହିଜାବର ବିରୋଧ କରିଆସୁଛନ୍ତି। ଶନିବାର ଦିନ ହିଜାବକୁ ବିରୋଧ କରି ଅର୍ଦ୍ଧନଗ୍ନ ହେଲେ ମହିଳା। ଅନଲାଇନ୍ ଭିଡିଓ ଏବଂ ମିଡିଆ ରିପୋର୍ଟ ଅନୁଯାୟୀ, ଦେଶର କଡା ଇସଲାମିକ୍ ଡ୍ରେସ କୋଡକୁ ବିରୋଧ କରି ଜଣେ ମହିଳା ଇରାନର ଏକ ବିଶ୍ୱବିଦ୍ୟାଳୟରେ ନିଜର ପୋଷାକ କାଢିଦେଇଥିଲେ ।
ସୋସିଆଲ ମିଡିଆରେ ପୋଷ୍ଟ କରାଯାଇଥିବା ଏକ ଭିଡିଓରେ ଇସଲାମିକ ଆଜାଦ ବିଶ୍ୱବିଦ୍ୟାଳୟର ଏକ ଶାଖାର ସୁରକ୍ଷାକର୍ମୀ ଜଣେ ଅଜ୍ଞାତ ମହିଳାଙ୍କୁ ଅଟକ ରଖିଥିବାର ଦେଖିବାକୁ ମିଳିଛି। ସୋସିଆଲ ମିଡିଆ ପ୍ଲାଟଫର୍ମରେ ବିଶ୍ୱବିଦ୍ୟାଳୟ ମୁଖପାତ୍ର ଆମୀର ମହଜୁବ କହିଛନ୍ତି, ମହିଳା ଜଣଙ୍କ ମାନସୀକ ଚାପରେ ପୀଡିତ ଥିବା ପୋଲିସ କହିଛି ।
ତେବେ କିଛି ସୋସିଆଲ ମିଡିଆ ୟୁଜର୍ସ ଦାବି କରିଛନ୍ତି ଯେ, ମହିଳା ଜଣଙ୍କ ହିଜାବର ବିରୋଧ କରିବା ପାଇଁ ଜାଣିଶୁଣି ତାଙ୍କ ପୋଷାକ କାଢିଥିଲେ। X ରେ ଜଣେ ଉପଭୋକ୍ତ ଭିଡିଓ ସହିତ ଲେଖିଛନ୍ତି, ‘ମହିଳା ସର୍ବସାଧାରଣ ସ୍ଥାନରେ ଅନ୍ତଃବସ୍ତ୍ରରେ ରହିବା ସବୁଠାରୁ ଖରାପ କଥା ।
ତେବେ ମହିଳାଙ୍କ ବିଷୟରେ କୌଣସି ସୂଚନା ମିଳିନାହିଁ। ଇରାନର ଏକ ରିପୋର୍ଟ ଅନୁଯାୟୀ, ମହିଳାଙ୍କ ମାନସିକ ସମସ୍ୟା ଥିବାରୁ ସେଭଳି କାର୍ଯ୍ୟ କରିଛନ୍ତି । ଏହାର ତଦନ୍ତ ପରେ ମହିଳାଙ୍କୁ ମାନସିକ ଡାକ୍ତରଖାନାକୁ ସ୍ଥାନାନ୍ତର କରାଯିବ।
