ଦୁଇ ଶିଶୁଙ୍କୁ ବଳି ଅଭିଯୋଗ, ମନ୍ଦିର ନିକଟରୁ ଶବ ଉଦ୍ଧାର
ଲକ୍ଷ୍ନୌ: ଉତ୍ତରପ୍ରଦେଶରେ ୨ ଶିଶୁଙ୍କୁ ବଳି ସନ୍ଦେହ । ଦେବବନ୍ଦରେ ୨ ଜଣ ଶିଶୁଙ୍କ ଶବଠାବ ହେବା ପରେ ଘଟଣାକୁ ନେଇ ତୀବ୍ର ଉତ୍ତେଜନା । ଶହ ଶହ ଲୋକଙ୍କ ବିକ୍ଷୋଭ । ପରିବାର ଲୋକେ କହିଲେ, ତନ୍ତ୍ର ସାଧନା ପାଇଁ ପିଲାଙ୍କୁ ଦିଆଯାଇଛି ବଳି ।
ଦେବବନ୍ଦ ଅନ୍ତର୍ଗତ ଭାୟଲ ଗ୍ରାମରେ ୧୧ ବର୍ଷ ବୟସ୍କ ଦେବ ଓ ୯ ବର୍ଷ ବୟସ୍କ ମାହୀଙ୍କ ଶବ ସ୍ଥାନୀୟ ଏକ ମନ୍ଦିର ନିକଟରୁ ମିଳିବା ପରେ ତନ୍ତ୍ର ସାଧନା କାରଣରୁ ସେମାନଙ୍କୁ ବଳି ଦିଆଯାଇଥିବା ଅଭିଯୋଗ ହୋଇଛି । ଗତକାଲି ଦୁଇ ଶିଶୁ ବିଳମ୍ବିତ ରାତି ପର୍ଯ୍ୟନ୍ତ ଘରକୁ ଫେରି ନଥିଲେ । ବହୁ ଖୋଜାଖଷାଜି କରିବା ପରେ ମନ୍ଦିର ନିକଟରୁ ସେମାନଙ୍କ ପରିବାର ଲୋକେ ସେମାନଙ୍କ ମୃତଦେହ ଦେଖିବାକୁ ପାଇଥିଲେ ।
ଦୁଇ ଶିଶୁଙ୍କ ହାଡ ଭାଙ୍ଗିଥିବାରୁ ଦୁର୍ଘଟଣାରେ ସେମାନଙ୍କ ମୃତ୍ଯୁ ଘଟିଥିବା ପୋଲିସ ସନ୍ଦେହ କରିଛି । ଘଟଣାର ଯାଞ୍ଚ କରୁଛନ୍ତି ଏସପି ସାଗର ଜୈନ ।
