ଗୁଗଲ ଉପରେ ରୁଷିଆ ଲଗାଇଲା ୨ ଡେସିଲିୟନ ଜରିମାନା, ବିଶ୍ବ ଅର୍ଥନୀତିଠାରୁ କାହିଁ କେତେ ଗୁଣ ଅଧିକ

ମସ୍କୋ: ଦୁଇ ବର୍ଷରୁ ଅଧିକ ହୋଇଗଲା ଚାଲିଛି ରୁଷିଆ ଓ ୟୁକ୍ରେନ ମଧ୍ୟରେ ଯୁଦ୍ଧ । ଆଉ ଏହାରି ଭିତରେ ରୁଷିଆର ସରକାରୀ ଚ୍ୟାନେଲକୁ ବ୍ଲକ କରି ଦେଇଛି ୟୁଟ୍ୟୁବ । ରୁଷିଆ ସରକାରୀ ଚ୍ୟାନେଲକୁ ଆପଣ ୟୁଟ୍ୟୁବରେ ଦେଖିପାରୁନାହାନ୍ତି । ଯେଉଁଥିପାଇଁ ୟୁ-ଟ୍ୟୁବରର ମୂଳ କମ୍ପାନୀ ଗୁଗଲ ଉପରେ ଜରିମାନା ଲଗାଇଛି ରୁଷିଆ । ଶହେ କି ଦୁଇ ଶହ କି ଲକ୍ଷେ ଡଲାର ନୁହେଁ ୨ ଡେସିଲିୟନ ଡଲାର ଜରିମାନା ଲଗାଇଛି ଗୁଗଲ ।

ଏବେ ଭାବୁଥିବେ ମିଲିୟନ, ଟ୍ରିଲିୟନ କଥା ଶୁଣିଛନ୍ତି । ଏହି ଡେସିଲିୟନର ମୂଲ୍ୟ କେତେ । ଆଜ୍ଞା ଡେସିଲିୟନର ମୂଲ୍ୟ ଜାଣିଲେ ଆପଣଙ୍କ ପାଦ ତଳୁ ମାଟି ଖସିଯିବ । ଆପଣଙ୍କ ମୁଣ୍ଡ ଚକ୍କର କାଟିବ । କାରଣ ଡେସିଲିୟନରେ ଆପଣ ଜିରୋ ଗଣି ଗଣି ହାଲିଆ ହୋଇଯିବେ । ଆଜ୍ଞା ହଁ ବହୁ ଲୋକ ଡିସିଲିୟନ ଶବ୍ଦ ପ୍ରଥମ ଥର ପାଇଁ ଶୁଣିଥିବେ । କାରଣ, ସାରା ବିଶ୍ବର ଅର୍ଥନୀତି ମିଶିଲେ ବି ୧ ଡେସିଲିୟନ ହେବ ନାହିଁ ।

ଆପଣଙ୍କୁ କହି ରଖୁଛୁ, ୧ ଡେସିଲିୟନ ମାନେ ହେଲେ ୧ରେ ୩୪ଟି ଶୂନ । ଗୁଗଲକୁ ରୁଷିଆ ଫାଇନ କରିଛି ୨ ଡେସିଲିୟନ । ମାନେ ୨ରେ ଲାଗିବ ୩୪ଟି ଶୂନ। ଗୁରୁତ୍ବପୂର୍ଣ୍ଣ କଥା ହେଲେ ଗୁଗଲ କ’ଣ, କୌଣସି ଦେଶ ପାଖରେ ଏତେ ଅର୍ଥ ନାହିଁ । ଏପରିକି ଆମେରିକା ପାଖରେ ବି ଏତେ ଅର୍ଥ ନାହିଁ । ଆମେରିକା କ’ଣ, ସାରା ବିଶ୍ଵର ସବୁ ଦେଶର ଅର୍ଥକୁ ଯଦି ମିଶାଣ କରାଯାଏ, ୨ ଡେସିଲିୟନ ହେବନି । ସାରା ବିଶ୍ଵର ଅର୍ଥନୀତିର କାହିଁ କେତେ ଗୁଣ ହେଉଛି ଡେସିଲିୟନ ।

ରୁଷିଆର ନିୟମ ଭାଙ୍ଗିବା ଅଭିଯୋଗରେ ସେଠାକାର ଏକ କୋର୍ଟ ଗୁଗଲକୁ ଏତେ ଅର୍ଥ ଜରିମାନା କରିଛି । ରୁଷିଆର କୋର୍ଟ ଏହା ବି କହିଛନ୍ତି, ଯଦି ଗୁଗଲ ଏହି ଅର୍ଥ ୯ ମାସ ଭିତରେ ନ ଦେବ, ଜରିମାନାର ପରିମାଣ ପ୍ରତିଦିନ ୨ ଗୁଣା ହେବ । କୋର୍ଟ କ’ଣ ବିଚାର କରି ଏତେ ଅର୍ଥ ଜରିମାନା ଲଗାଇଛନ୍ତି, ଏହା ପଛରେ ଲଜିକ୍ କ’ଣ ଅଛି ତାହା ବୁଝି ହେଉନାହିଁ । ସାରା ବିଶ୍ବର ଅର୍ଥନୀତି ମିଶିଲେ ବି ଏତିକି ହେଉ ନଥିବା ବେଳେ ଗୁଗଲ କେଉଁଠୁ ଆଣିବ । ତେବେ ରୁଷିଆର କୋର୍ଟଙ୍କ ଏହି ଜରିମାନା ଏବେ ପୃଥିବୀରେ ଚହଳ ପକାଇଛି ।