ହଷ୍ଟେଲରେ ନିମ୍ନ ମାନର ଖାଦ୍ୟ ଦିଆଯିବା ନେଇ ତାତିଲେ ଛାତ୍ରୀ, ଅଭିଯୋଗ କରିବାକୁ ଚାଲିଲେ ୧୦ କିମି

କରଞ୍ଜିଆ :  ହଷ୍ଟେଲରେ ନିମ୍ନ ମାନର ଖାଦ୍ୟ ଦେଉଥିବାରୁ ତାତିଲେ ଛାତ୍ରୀ । କରଞ୍ଜିଆର ସରକାରୀ ବାଳିକା ଉଚ୍ଚ ବିଦ୍ୟାଳୟ ବଲାଣପୋଷିର ଅନ୍ତେବାସୀ ଛାତ୍ରୀ ବିକ୍ଷୋଭ ପ୍ରଦର୍ଶନ କରିଛନ୍ତି । ପୂର୍ବରୁ ପ୍ରଧାନ ଶିକ୍ଷକଙ୍କୁ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନଥିବା ଅଭିଯୋଗ ହୋଇଛି । ଫଳରେ ସରପଞ୍ଚଙ୍କୁ ଅଭିଯୋଗ କରିବାକୁ ୧୦ କିମି ଚାଲି ପଞ୍ଚାୟତ କାର୍ଯ୍ୟାଳୟରେ ପହଞ୍ଚିଲେ ଛାତ୍ରୀ । ଗାଁ ଲୋକମାନେ ବୁଝାସୁଝା କରିବା ପରେ ସେମାନେ ସ୍କୁଲକୁ ଫେରି ଆସିଛନ୍ତି । ଘଟଣାସ୍ଥଳରେ ରରୁଆଁ ବିଡିଓ ପହଞ୍ଚି ଛାତ୍ରୀମାନଙ୍କ ସହ ଆଲୋଚନା କରୁଛନ୍ତି ।