ବନ୍ଧା ହେଲେ କୋଟିପତି ପ୍ରଧାନ ଶିକ୍ଷକ, ଜବତ ହେଲା ୨କୋଟି ୬୦ ଲକ୍ଷ ଟଙ୍କାର ସମ୍ପତ୍ତି
ନବରଙ୍ଗପୁର: ଗିରଫ ହେଲେ କୋଟିପତି ଶିକ୍ଷକ। ଆୟବହିଭର୍ଭୂତ ସମ୍ପତ୍ତି ଠୁଳ ଅଭିଯୋଗରେ ନବରଙ୍ଗପୁର ରାଇଘର ବ୍ଲକ ଅନ୍ତର୍ଗତ ବୋରଗାଁ ପ୍ରକଳ୍ପ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜିତ କୁମାର ପାଣିଗ୍ରାହୀ ଗିରଫ ହୋଇଛନ୍ତି। ରଞ୍ଜିତଙ୍କ ବାସଭବନ ସମେତ ଏକକାଳୀନ ୫ଟି ସ୍ଥାନରେ ଚଢାଉ କରିଥିଲା ଭିଜିଲାନ୍ସ।
ରଞ୍ଜିତଙ୍କ ୩ଟି ବାସଭବନ, ଦୋକାନ ଘର, ଗୋଦାମ ଘର ଓ ସ୍କୁଲରେ ରେଡ୍ କରାଯାଇଥିଲା। ଜୟପୁର, ମାଲକାନଗିରି ଓ ଭାବାନୀପାଟଣାରୁ ମୋଟ୍ ୩୦ ଜଣ ସଦସ୍ୟ ୫ଟି ଟିମ୍ରେ ଭାଗ ହୋଇ ଚଢାଉ କରିଥିଲେ। ଶିକ୍ଷକଙ୍କଠାରୁ ମୋଟ୍ ୨କୋଟି ୬୦ ଲକ୍ଷ ୬୭ହଜାର ଟଙ୍କାର ସ୍ଥାବର ଓ ଅସ୍ଥାବର ସମ୍ପତ୍ତି ଠାବ କରାଯାଇଛି ।
ଏଥିରେ ବିଭିନ୍ନ ବ୍ୟାଙ୍କରେ ୭୦ ଲକ୍ଷ ଟଙ୍କା, ୩ମହଲା କୋଠା, ୨ଟି ୨ମହଲା କୋଠା, ଗାଡ଼ି, ୬ଲକ୍ଷ ଟଙ୍କାର ଗହଣା, ୨୦ ଲକ୍ଷ ଟଙ୍କାର ବୀମା ଓ ବିଭିନ୍ନ ସ୍ଥାନରେ ୬ଟି ପ୍ଲଟ୍ ରହିଛି।
