ସ୍ତ୍ରୀକୁ ଖଣ୍ଡ ଖଣ୍ଡ କରି ହାଣିଲା ମଦ୍ୟପ ସ୍ବାମୀ

ବାଲିଗୁଡା : ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ । ସ୍ତ୍ରୀକୁ ଖଣ୍ଡ ଖଣ୍ଡ କରି ହାଣିଲା ମଦ୍ୟପ ସ୍ବାମୀ । କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନା ଅନ୍ତର୍ଗତ ନୂଆମୁଣ୍ଡା ଗାଁରେ ଘଟିଛି ଏହି ହତ୍ୟାକାଣ୍ଡ । ମୃତକ ହେଲେ ମଧୁମତି ବେହେରାଦଲାଇ । ନିଶାସକ୍ତ ସ୍ବାମୀ ଚନ୍ଦ୍ରକାନ୍ତ ବେହେରା ଦଳାଇକୁ ଥାନାରେ ଅଟକ ରଖି ତଦନ୍ତ ଚଳାଇଛି ପୋଲିସ । ପାରିବାରିକ କଳହକୁ ନେଇ ଧାରୁଆ ଅସ୍ତ୍ରରେ ମଧୁମତିଙ୍କ ବେକକୁ କାଟିବା ସହ ଶରୀରର ଅନେକ ସ୍ଥାନରେ ଆଘାତ ଦେଇଥିଲା ସ୍ବାମୀ ଚନ୍ଦ୍ରକାନ୍ତ। ଘଟଣା ସ୍ଥଳରେ ହିଁ ମଧୁମତିଙ୍କ ମୃତ୍ୟୁ ହୋଇଯାଇଥିଲା । ଅଭିଯୋଗ ପରେ ଘଟଣା ସ୍ଥଳରେ ତୁମୁଡ଼ିବନ୍ଧ ପୁଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ଚନ୍ଦ୍ରକାନ୍ତକୁ ଅଟକ ରଖିଛି ପୋଲିସ ।