୭ ଦିନର ବିବାଦ ପରେ ମଣ୍ଡପ ଆଗରୁ ହଟିଲା ବାଲି, ବିସର୍ଜନ ହେଲେ ମାଆ ଦୁର୍ଗା
ଯାଜପୁର: ମଣ୍ଡପ ସାମ୍ନାରୁ ବାଲି ହଟିବା ପରେ ମାଆ ଦୁର୍ଗାଙ୍କର ହେଲା ବିସର୍ଜନ । ଯାଜପୁର ଟାଉନ୍ ଥାନା ରାମବାଗ ଦୂର୍ଗା ପୂଜା ମଣ୍ଡପରେ ପୂଜା ପରେ ମାଆଙ୍କର ବିସର୍ଜନ ହୋଇପାରି ନଥିଲା । ସାମାନ୍ୟ ଜାଗା ବିବାଦ ପାଇଁ ମଣ୍ଡପ ସାମ୍ନାରେ ବାଲି ଥିବାରୁ ମାଆଙ୍କର ବିସର୍ଜନ ହୋଇପାରି ନଥିଲା । ଘଟଣାକୁ ନେଇ ରାଷ୍ଟ୍ରୀୟ ବଜରଙ୍ଗ ଦଳ ପକ୍ଷରୁ ମାଆଙ୍କୁ ଯଥା ଶୀଘ୍ର ପାଣିରେ ପକାଯାଉ ବୋଲି ଦାବି ହୋଇଥିଲା ।
ଶେଷରେ ପ୍ରଶାସନ ମଣ୍ଡପ ସାମ୍ନାରୁ ବାଲି ହଟାଇ ମାଆଙ୍କୁ ବିସର୍ଜନ କରାଇବାକୁ ସ୍ଥାନୀୟ ତହସିଲଦାର ଓ ଥାନା ଅଧିକାରୀଙ୍କୁ ଯାଜପୁର ଉପଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ନିର୍ଦ୍ଦେଶ କ୍ରମେ ଜେସିପି ସାହାଯ୍ୟରେ ବାଲିକୁ ଉଠାଯାଇ ମାଆଙ୍କର ବସର୍ଜନ କରାଯାଇଛି । ଦୀର୍ଘ ୭ ଦିନ ପରେ ଶାନ୍ତି ଶୃଙ୍ଖଳାର ସହ ମାଆଙ୍କର ବିସର୍ଜନ ହୋଇଛି ।
