ରାଜ୍ୟ ସରକାରଙ୍କୁ ଚରମ ଚେତାବାନୀ, ୨୩ ସୁଦ୍ଧା ଦାବି ପୂରଣ ନହେଲେ ୨୪ରୁ ମହାସଂଗ୍ରାମ

ଭୁବନେଶ୍ବର: ରାଜ୍ଯରେ ସରକାରୀ ନିଯୁକ୍ତି ପରୀକ୍ଷାରେ ବ୍ଯାପକ ଅନିୟମିତତା ନେଇ ସରକାରଙ୍କୁ ଚେତାବନୀ ଆଶାୟୀଙ୍କ ଚରମ ଚେତବାନୀ । ଆସନ୍ତା ୨୩ ତାରିଖ ଭିତରେ ଦାବି ପୂରଣ ନହେଲେ ୨୪ ତାରିଖରେ ହେବ ମହାସଂଗ୍ରାମ । ରାଷ୍ଟ୍ରପତିଙ୍କ ଗସ୍ତ ସମୟରେ ହଜାର ହଜାର ପରୀକ୍ଷାର୍ଥୀ ଏକାଠି ହୋଇ କରିବେ ମହାସଂଗ୍ରାମ । ଏନେଇ ସାମ୍ବିଦିକ ସମ୍ମିଳନୀରେ ଷ୍ଟୁଡେଣ୍ଟ ଏଗନେଷ୍ଟ କରପସନ ତରଫରୁ ଚେତାବନୀ ଦିଆଯାଇଛି ।

ପରୀକ୍ଷାର୍ଥୀଙ୍କ ଅଭିଯୋଗ ଅନୁସାରେ, ରାଜ୍ଯରେ ବିଭିନ୍ନ ସରକାରୀ ନିଯୁକ୍ତି ପରୀକ୍ଷାରେ ବ୍ଯାପକ ଅନିୟମିତତା ହୋଇଛି । କେଉଁଠି ସାଇବର କାଫେରେ ପରୀକ୍ଷା ବେଳେ କମ୍ପ୍ଯୁଟର ହ୍ଯାକ୍ ତ ଆଉ କେଉଁଠି ହୋଟେଲରେ ବି ପିଲା ପରୀକ୍ଷା ଦେଇଛନ୍ତି । ମାମଲାରେ ବୌଦ୍ଧରୁ ଜଣେ ନକଲି ସେଣ୍ଟର୍ ମାଲିକ ଗିରଫ ହୋଇଛନ୍ତି । ଏଭଳି ସାଂଘାତିକ ତ୍ରୁଟି ବିରୋଧରେ ଦୀର୍ଘ ଦିନ ଧରି ପ୍ରତିବାଦ କରିଆସୁଛନ୍ତି ଆଶାୟୀ । ପୁନଃ ପରୀକ୍ଷା ପାଇଁ ବାରମ୍ବାର ଦାବି ହେଉଛି । ରାଜଧାନୀରେ ବିକ୍ଷୋଭ ସହ ଆଶାୟୀମାନେ ଆଡମିଟ କାର୍ଡ ପୋଡ଼ି ଓ ନଦୀରେ ଭସାଇ ପ୍ରତିବାଦ କରିଥିଲେ । ତଥାପି ସରକାର କୌଣସି ପଦକ୍ଷେପ ନେଇନାହାନ୍ତି ।

ବୈଠକ ହେବ ବୋଲି ମୁଖ୍ଯମନ୍ତ୍ରୀ ମିଛ କହୁଥିବା ଅଭିଯୋଗ କରିଛନ୍ତି ଆଶାୟୀ । ୨୩ ତାରିଖ ମଧ୍ଯରେ ଯଦି ସରକାର କୌଣସି ପଦକ୍ଷେପ ନନିଅନ୍ତି ତେବେ ଛାତ୍ରଛାତ୍ରୀମାନେ ରାଷ୍ଟ୍ରପତିଙ୍କୁ ଚିଠି ଲେଖି ଜଣାଇବେ । ଏହାଛଡ଼ା ରାଷ୍ଟ୍ରପତିଙ୍କ ଗସ୍ତ ସମୟରେ ମହାସଂଗ୍ରାମ କରିବାକୁ ଚେତାବନୀ ଦେଇଛନ୍ତି ।