ରାୟପୁର: ବିମାନରେ ବୋମା ଥିବାର ମିଛ ଖବର ପାଇଁ ଛତିଶଗଡ଼ର ଜଣେ ନାବାଳକ ଅଟକ। ମୁମ୍ଵାଇ ପୋଲିସ ତାଙ୍କୁ ଅଟକ ରଖିଛି। ସେହି ପିଲାର ବାପାକୁ ମଧ୍ୟ ଅଟକ ରଖିଛି। ତାକୁ ପଚରା ଉଚରାରୁ ଜଣାପଡ଼ିଛି, ନିଜର ଜଣେ ସାଙ୍ଗ ବିରୋଧରେ ପ୍ରତିଶୋଧ ପାଇଁ ସେ ଫେକ୍ ଆକାଉଣ୍ଟ ଖୋଲି ଏପରି କରିଥିଲା। ସୋସିଆଲ ମିଡିଆ ଆକାଉଣ୍ଟକୁ ଟ୍ରେସ୍ କରି ନାବାଳକୁ ଧରିଛି ପୋଲିସ।
ଗତ ସୋମବାବରୁ ଏମିତି ବିମାନରେ ବୋମା ଥିବାର ଅନେକ ଖବର ପ୍ରଚାର କରାଯାଇଥିଲା। ଏହା ଦ୍ଵାରା ପ୍ରାୟ ୨୦ଟି ଫ୍ଲାଇଟକୁ ବାତିଲ ବା ଡାଇଭର୍ଟ କରାଯାଇଥିଲା। ଶହ ଶହ ଯାତ୍ରୀ ହଇରାଣ ହୋଇଥିଲେ। କେନ୍ଦ୍ର ସରକାର ମଧ୍ୟ ଏହାକୁ ଗୁରୁତର ସହିତ ନେଇଥିଲେ। ଘଟଣାର ତଦନ୍ତ କରାଯାଇଥିଲା।
ଯିଏ ଏପରି ମିଛ ଖବର ପ୍ରଚାର କରିଛି, ତାକୁ ଫ୍ଲାଇଟ୍ ବ୍ୟାନ୍ କରିବାକୁ ନିଷ୍ପତ୍ତି ହୋଇଥିଲା। କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ମଧ୍ୟ ଘଟଣାକୁ ବେଶ୍ ଗମ୍ଭୀରତାର ସହିତ ନେଇଥିଲେ। ଶେଷରେ ଜଣାପଡ଼ିଛି ଏହା ପଛରେ ଜଣେ ନାବାଳକର କାରନାମା ଅଛି।
