୧୭,୦୦୦ କର୍ମଚାରୀଙ୍କୁ ଛଟେଇ କରିବ ବୋଇଙ୍ଗ !

ନନ୍ଦିଘୋଷ ବ୍ୟୁରୋ : ଦଶ ପ୍ରତିଶତ କର୍ମଚାରୀଙ୍କୁ  ଛଟେଇ କରିବାକୁ ଯୋଜନା କରିଛି ବୋଇଙ୍ଗ । ଯେଉଁଥିରେ ପ୍ରାୟ ୧୭,୦୦୦ କର୍ମଚାରୀଙ୍କୁ କମ୍ପାନୀରୁ ଛଟେଇ କରାଯାଇପାରେ । ଏମିତି କିଛି ଘୋଷଣା କରିଛି ବୋଇଙ୍ଗ । ସିଆଟେଲ ଅଞ୍ଚଳରେ ହୋଇଥିବା ଧର୍ମଘଟକୁ ଦୃଷ୍ଟିରେ ରଖି ବହୁ କ୍ଷତି ସହିବା ପରେ ଏହି ନିଷ୍ପତ୍ତି ନିଆଯାଇଛି ବୋଲି କମ୍ପାନୀ କହିଛି। ସିଇଓ କେଲି ଅର୍ଟବର୍ଗ ଶୁକ୍ରବାର କର୍ମଚାରୀଙ୍କୁ ଏକ ବିଜ୍ଞପ୍ତି ଜାରି କରିଛନ୍ତି  । ଯେଉଁଥିରେ ସେ କହିଛନ୍ତି, ବୋଇଙ୍ଗ ମଧ୍ୟ ୨୦୨୭ରେ ବ୍ୟବସାୟିକ ୭୬୭ ମାଲବାହୀ ବିମାନ ଉତ୍ପାଦନ ବନ୍ଦ କରିବ। ସେ କହିଛନ୍ତି ଯେ କମ୍ପାନୀ ଦିନକୁ ଦିନ କ୍ଷତିର ସମ୍ମୁଖୀନ ହୋଇଛି, ଏହି କାରଣରୁ ବିମାନ କାରଖାନାଗୁଡ଼ିକରେ କାର୍ଯ୍ୟ ପାଞ୍ଚ ସପ୍ତାହ ପର୍ଯ୍ୟନ୍ତ ବନ୍ଦ ହୋଇଯାଇଥିଲା। ବିମାନ ଚଳାଚଳ କମ୍ପାନୀ ବୋଇଙ୍ଗ ଆଜିକାଲି ଅନେକ ଆର୍ଥିକ ସଙ୍କଟ ଦେଇ ଗତି କରୁଛି, ଯାହାକୁ ସଂଶୋଧନ କରିବା ପାଇଁ କର୍ମଚାରୀ ସ୍ତରକୁ ସଜାଡ଼ିବାକୁ ପଡିବ। କମ୍ପାନୀ କହିଛି ଯେ, ପ୍ରାୟ ୩୩,୦୦୦ କର୍ମଚାରୀଙ୍କ ଦ୍ୱାରା ପ୍ରାୟ ଏକ ମାସର ଧର୍ମଘଟ ବିମାନ ଉତ୍ପାଦନରେ ବିଳମ୍ବ କରିଥିଲା ଏବଂ ଏହା କମ୍ପାନୀର ସମସ୍ୟାକୁ ଆହୁରି ବଢାଇ ଦେଇଥିଲା।