ବସ ଧକ୍କାରେ କନଷ୍ଟେବଳ ମୃତ
ଜଗତସିଂହପୁର: ତିର୍ତ୍ତୋଲ ସରଣୀ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ଏକ ବସ୍ ଧକ୍କାରେ ଜଣେ କନଷ୍ଟେବଳଙ୍କ ମୃତ୍ୟୁ ଘଟିଛି । ମୃତ କନଷ୍ଟେବଳ ହେଲେ ସୁରୁ ଜାମୁଡ଼ା । ସେ ତିର୍ତ୍ତୋଲ ଥାନାରେ କାର୍ଯ୍ଯରତ ଥିଲେ ।
ସୁରୁ ଡ୍ଯୁଟି ସାରି ଭଡ଼ା ଘରକୁ ନିଜ ସ୍କୁଟିରେ ଫେରୁଥିବାବେଳେ ସରଣୀ ଛକରେ ଏକ ବସ ତାଙ୍କୁ ଧକ୍କା ଦେଇଥିଲା । ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଦୁର୍ଘଟଣା ଘଟାଇଥିବା ବସକୁ ଜବତ କରି ପୋଲିସ ତଦନ୍ତ ଜାରି ରଖିଛି । ଏହାସହ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
