ପାସ୍ କରାଇ ଦେବାକୁ କହି ୭ମ ଶ୍ରେଣୀ ଛାତ୍ରୀଙ୍କୁ ଟ୍ୟୁସନ ମାଷ୍ଟରଙ୍କ ଦୁଷ୍କର୍ମ ଅଭିଯୋଗ

ବାଣପୁର:  ଖୋର୍ଦ୍ଧା ବାଣପୁର ନାଚୁଣୀ ଥାନା ଗମ୍ଭାରୀମୁଣ୍ଡା ବିଟ ହାଉସ ନିକଟସ୍ଥ ତୋଟା ଗାଁରେ ୭ମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗ । ସ୍କୁଲ ଗୃହରେ ଟ୍ୟୁସନ ସାର ଦୁଷ୍କର୍ମ କରିଥିବା ଅଭିଯୋଗ । ଏନେଇ ନାଚୁଣୀ ଥାନାରେ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି l ଅଭିଯୁକ୍ତକୁ ଅଟକ ରଖି ପଚରାଉଚରା କରୁଛି ପୋଲିସ ।

ଅଭିଯୁକ୍ତ ଜଣକ ହେଲା ତୋଟା ଗାଁର ଲିଙ୍ଗରାଜ ମୁଦୁଲି l ଅଭିଯୁକ୍ତ ପାଖରେ ସ୍କୁଲ ଘରର ଚାବି ରହୁଥିବାରୁ ପରୀକ୍ଷାରେ ପାସ କରାଇ ଦେବି କହି ପୀଡିତାଙ୍କୁ ସନ୍ଧ୍ଯା ପ୍ରାୟ ୭ଟା ପରେ ଡାକି ନେଇ ଦୁଷ୍କର୍ମ କରିଥିଲା । ଏ ସମ୍ପର୍କ କାହାକୁ କହିଲେ ମାରି ଦେବାକୁ ଧମକ ଦେଇଥିଲା l ଘଟଣା ଘଟିଛି ଗତ ପାଞ୍ଚ ତାରିଖ ସନ୍ଧ୍ୟାରେ । ଏନେଇ ପରିବାର ପକ୍ଷରୁ ଅଭିଯୋଗ ପରେ ତଦନ୍ତ ଆରମ୍ଭ କରିଛି ପୋଲିସ ।