ବିଦ୍ୟୁତ ଟାୱାରରେ ଚଢ଼ି ଜଳିଗଲେ ଯୁବକ

ଚାନ୍ଦବାଲି : ବିଦ୍ୟୁତ ଟାୱାରରେ ଚଢ଼ି ଜଳିଗଲେ ଯୁବକ । ଧାମରା ବନ୍ଦର ନିକଟରେ ଘଟିଛି ଏଭଳି ଛାତିଥରା ଘଟଣା । ଯାହାର ପୂରା ଦୃଶ୍ଯ କଏଦ ହୋଇଛି ମୋବାଇଲ କ୍ଯାମେରାରେ । ମୃତକଙ୍କ ଘର ପଶ୍ଚିମବଙ୍ଗରେ ବୋଲି ଜଣାପଡ଼ିଛି । ସେ ଧାମରା ବନ୍ଦରରେ କାମ କରୁଥିଲେ । ଗତକାଲି ସନ୍ଧ୍ଯାରେ ଧାମରା ବନ୍ଦରକୁ ଯାଇଥିବା ଉଚ୍ଚ କ୍ଷମତା ସମ୍ପର୍ଣ୍ଣ ବିଦ୍ୟୁତ ଟାୱାରରେ ସେ ଚଢିଯାଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲା । ବହୁ ଚେଷ୍ଟା ପରେ ବି ସେ ତଳକୁ ଓହ୍ଲାଇନଥିଲେ । ରାତିସାରା ଟାୱାର ଉପରେ ରହିବା ପରେ ସକାଳେ ତଳକୁ ଓହ୍ଲାଉଥିବାବେଳେ ବିଦ୍ଯୁତ ତାର ସଂସ୍ପର୍ଶ ରେ ଆସି ଜଳିଯାଇଥିଲେ । ଲୋକଙ୍କ ଆଖି ଆଗରେ ଜଳିଯାଇଥିଲେ ଯୁବକ । ତେବେ ଯୁବକ ଜଣଙ୍କ କାହିଁକି ଟାୱାର ଉପରକୁ ଚଢିଥିଲେ ସେନେଇ ସ୍ପଷ୍ଟ କାରଣ ଜଣାପଡ଼ିନଥିବାବେଳେ ତାଙ୍କ ମାନସିକ ବିକୃତି ଥିବା ଅଭିଯୋଗ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ କରୁଛି ।