୪୫୬ ଥାନାରେ ଠିକ ଭାବେ କାମ କରୁନି ସିସିଟିଭି

କଟକ: ରାଜ୍ଯର ୪୫୬ଟି ଥାନାରେ ସଠିକ ଭାବେ କାମ କରୁନି ସିସିଟିଭି । ଭରତପୁର ଥାନାରେ ସିସିଟିଭି ନଥିବା ନେଇ ହାଇକୋର୍ଟରେ ଦାୟର ଜନସ୍ବାର୍ଥ ମାମଲାର ଶୁଣାଣି ବେଳେ ଏହି ତଥ୍ଯ ଦାଖଲ କରିଛନ୍ତି ରାଜ୍ଯ ସରକାର ।

ରାଜ୍ୟରେ ୫୯୩ଟି ଥାନା ମଧ୍ୟରୁ ୪୫୬ଟି ଥାନାରେ ସଠିକ୍ ଭାବରେ କାମ କରୁନି ସିସିଟିଭି କ୍ୟାମେରା । ଆସନ୍ତା ୧୫ ଦିନ ମଧ୍ୟରେ ବାକି ୧୩ଟି ଥାନାରେ ସିସିଟିଭି କ୍ୟାମେରା ଲଗାଯିବ । ସବୁ ସିସିଟିଭି କ୍ୟାମେରାର ନିୟନ୍ତ୍ରଣ ଜିଲ୍ଲା ଏସପି ଅଫିସ ଓ ଡିଜି ଅଫିସ କରିବା ନେଇ ଯୋଜନା ଚାଲିଥିବା ସରକାର ଦାଖଲ କରିଥିବା ସତ୍ଯପାଠରେ ଉଲ୍ଲେଖ କରିଛନ୍ତି । ନଭେମ୍ବର ୧୨ ରେ ମାମଲାର ପରବର୍ତ୍ତୀ ଶୁଣାଣି ।

ସୂଚନାଯୋଗ୍ୟ, ଭରତପୁର ଥାନାରେ ସେନାର ମେଜର ଓ ତାଙ୍କ ବାନ୍ଧବୀଙ୍କୁ ନିର୍ଯାତନା ଦିଆଯାଇଥିଲା । ଯାହା ସାରା ଦେଶରେ ଚର୍ଚ୍ଚାର ବିଷୟ ପାଲଟିଥିଲା । ଏହି ସମୟରେ ଆଦର୍ଶ ଥାନା କୁହାଯାଉଥିବା ଭରତପୁର ଥାନାରେ ସିସିଟିଭି ନଥିବା ଜଣାପଡ଼ିଥିଲା ।