କଣାସରେ ବିଜେପି ଓ ବିଜେଡି ମୁହାଁମୁହିଁ

ପିପିଲି: ବ୍ଲକ ପରିସରରେ ମୁଲତବୀ ବୈଠକ । ବ୍ଲକ ବାହାରେ ବିଜେଡି ଓ ବିଜେପି କର୍ମୀ ମୁହାଁମୁହିଁ । ଏମିତି କିଛି ଘଟଣା ଆଜି କଣାସ ବ୍ଲକ କାର୍ଯ୍ୟାଳୟରେ ଦେଖିବାକୁ ମିଳିଛି । ଆଜି କଣାସ ବ୍ଲକ ମୁଲତବୀ ବୈଠକ ରହିଥିଲା । ଏହି ସମୟରେ ବ୍ଲକ ବାହାରେ ଉଭୟ ଦଳର ସମର୍ଥକ ମୁହାଁମୁହିଁ ହୋଇଛନ୍ତି ।

ରାସ୍ତାରେ ଦୁଇ ଗୋଷ୍ଠୀ ହାତାହାତି ହୋଇଥିବା ଦେଖିବାକୁ ମିଳିଛି । ଘଟଣାସ୍ଥଳରେ ଗୋଟିଏ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ବ୍ଲକ ସଭା ଗୃହରେ ସତ୍ଯବାଦୀ ବିଧାୟକଙ୍କ ସହ ସରକାରୀ ଅଧିକାରୀ ଉପସ୍ଥିତ ଅଛନ୍ତି । ଏବେ ବି ଘଟଣାସ୍ଥଳରେ ଚାପା ଉତ୍ତେଜନା ଲାଗି ରହିଛି । ସ୍ଥିତିକୁ ନିୟନ୍ତ୍ରଣକୁ ଆଣିବାକୁ ପୋଲିସ ଉଦ୍ଯମ ଜାରି ରଖିଛି ।