କଲେଜ ପରିସର ପାଲଟିଲା ରଣକ୍ଷେତ୍ର: ସାମାନ୍ୟ ବଚସାରୁ ଛାତ୍ରଙ୍କୁ ସହପାଠୀଙ୍କ ଆକ୍ରମଣ

ଗଞ୍ଜାମ: ସାମାନ୍ଯ ବଚସାରୁ କଲେଜ ପରିସର ପାଲଟିଲା ରଣକ୍ଷେତ୍ର । ସହପାଠୀଙ୍କ ଆକ୍ରମଣରେ ଜଣେ ଛାତ୍ର ଗୁରୁତର । ପ୍ରଥମେ ପାଟପୁର ଓ ପରେ ଏମକେସିଜିରେ କରାଯାଇଛି ଭର୍ତ୍ତି ।

ଖବର ଅନୁସାରେ, ଗଞ୍ଜାମ ଜିଲ୍ଲା ସାନଖେମୁଣ୍ଡି ପାଟପୁର ବିଶ୍ୱାସରାୟ ବିଜ୍ଞାନ ମହାବିଦ୍ୟାଳୟରେ ଛାତ୍ରଙ୍କ ମଧ୍ଯରେ ଗଣ୍ଡଗୋଳ ହୋଇଛି । କ୍ଲାସ ରୁମରେ କୌଣସି କାରଣକୁ ନେଇ ସେମାନଙ୍କ ମଧ୍ଯରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ୪ ଜଣ ଛାତ୍ର ଜଣେ ସହପାଠୀଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଗୁରୁତର ଛାତ୍ର ହେଲେ ରାଜା ସେଠୀ । ତାଙ୍କ ମୁଣ୍ଡ ଓ ପିଠିରେ ଆଘାତ ଲାଗିଛି । ତାଙ୍କୁ ଗୁରୁତର ଅବସ୍ଥାରେ ପାଟପୁର ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସ୍ବାସ୍ଥ୍ୟାବସ୍ଥା ଗରୁତର ହେବାରୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ପାଟପୁର ଥାନା ପୋଲିସ ପହଞ୍ଚି ତଦନ୍ତ ଜାରି ରଖିଛି ।