ରାଉରକେଲା ସହରରେ ଚାଞ୍ଚଲ୍ୟ, ନାବାଳିକାକୁ ଅପହରଣ ଉଦ୍ୟମ

ରାଉରକେଲା: ରାଉରକେଲା ସହରରେ ଚାଞ୍ଚଲ୍ୟ। ଜଣେ ନାବାଳିକାକୁ ୫ ଜଣ ଯୁବକ କାରରେ ଅପହରଣ କରି ନେବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। ସେକ୍ଟର ୭ ଥାନା ଛକ ନିକଟରୁ ନାବାଳିକାକୁ କାରରେ ଉଠାଇ ନେଇଥିଲେ ଅପହରଣକାରୀ। ତେବେ ଅପହରଣ କରିବାରେ ବିଫଳ ହେବା ପରେ ନାବାଳିକାକୁ ଘଣ୍ଟାଏ ପରେ ଛାଡି ଦେଇଥିବା ଜଣାପଡିଛି। ସେକ୍ଟର ୭ ଥାନାରେ ଅଭିଯୋଗ ପରେ ପୋଲିସ ପକ୍ଷରୁ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି । ୫ ଅଭିଯୁକ୍ତଙ୍କୁ ଗିରଫ ପାଇଁ ପୋଲିସ ପକ୍ଷରୁ ଉଦ୍ୟମ ଜାରି ରହିଛି।