୧୩ ଜିଲ୍ଲାକୁ ୟେଲୋ ଆଲର୍ଟ

ଭୁବନେଶ୍ବର : ରାଜ୍ଯର ବିଭିନ୍ନ ସ୍ଥାନରେ ତୁହାକୁ ତୁହା ବର୍ଷା । କଟକ ଭୁବନେଶ୍ବରରେ ଗତକାଲିଠୁ ଲଗାଣ ବର୍ଷା ଜାରି ରହିଛି । ଘୂର୍ଣ୍ଣିବଳୟ ପ୍ରଭାବରେ ପ୍ରଭାବରେ ରାତିସାରା ବର୍ଷା ହେଉଥିବାବେଳେ ସକାଳୁ ମଧ୍ଯ ପ୍ରବଳ ବର୍ଷା ଲାଗି ରହିଛି । କେତେବେଳେ ଝିପିଝିପି ତ କେତେବେଳେ କୁଢୋଉଛି । ଅନବରତ ବର୍ଷା ଯୋଗୁ ପ୍ରଭାବିତ ହୋଇଛି ଜନଜୀବନ । ୧୩ ଜିଲ୍ଲାରେ ପ୍ରବଳ ବର୍ଷା ହେବାନେଇ ସତର୍କତା ଜାରି କରିଛି ପାଣିପାଗ କେନ୍ଦ୍ର । ଭଦ୍ରକ, ବାଲେଶ୍ବର, ଜଗତସିଂହପୁର, କେନ୍ଦ୍ରାପଡ଼ା, କଟକ, ଖୋର୍ଦ୍ଧା, ପୁରୀ, କେନ୍ଦୁଝର, ଅନୁଗୁଳ, ନୟାଗଡ଼, ଢେଙ୍କାନାଳ, ମୟୂରଭଞ୍ଜ ଓ ଗଞ୍ଜାମକୁ ୟେଲୋ ଆଲର୍ଟ ଜାରି କରିଛି ପାଣିପାଗ କେନ୍ଦ୍ର । ଏହି ଜିଲ୍ଲା ଗୁଡ଼ିକରେ ୭୦ରୁ ୧୧୦ ମିଲିମିଟର ପର୍ଯ୍ଯନ୍ତ ବର୍ଷା ସମ୍ଭାବନା ରହିଛି । ଆଜି ଅପରାହ୍ନ ପର୍ଯ୍ଯନ୍ତ ଏଭଳି ପାଗ ଜାରି ରହିପାରେ । ବିଶେଷକରି ଆଭ୍ୟନ୍ତରୀଣ ଓ ଉପକୂଳ ଓଡ଼ିଶାରେ ବର୍ଷା ଲାଗିରହିବ । ଅପରାହ୍ନରୁ ପାଗରେ ସାମାନ୍ଯ ପରିବର୍ତ୍ତନ ଆସିପାରେ । ତେବେ ଆସନ୍ତା ୩ ଦିନ ଯାଏଁ ଭୁବନେଶ୍ବରରେ ପାଗ ମେଘୁଆ ସହ ବର୍ଷା ହେବାନେଇ ପାଣିପାଗ କେନ୍ଦ୍ର ଆକଳନ କରିଛି । ଟ୍ରପଲାଇନ ପ୍ରଭାବରେ ୫ ଦିନ ପର୍ଯ୍ଯନ୍ତ ରାଜ୍ଯରେ ଘଡ଼ଘଡ଼ି ବିଜୁଳି ସହ ସ୍ବଳ୍ପରୁ ମଧ୍ଯମରଣର ବର୍ଷା ହୋଇପାରେ ।