ଏସସିବିରେ ଚେସ୍ ଚାମ୍ପିଅନସିପ୍, ଭାଗ ନେଲେ ଡାକ୍ତରୀ ଛାତ୍ରଛାତ୍ରୀ
କଟକ: ରୋଗୀ ସେବା ପାଇଁ ଡାକ୍ତରୀ ପାଠ ପଢୁଥିବା ରାଜ୍ୟର ୧୧ ମେଡିକାଲ କଲେଜର ଛାତ୍ରଛାତ୍ରୀଙ୍କୁ ନେଇ ପ୍ରଥମ ଥର ପାଇଁ ଏସସିବିରେ ହୋଇଯାଇଛି ଚେସ ଚାମ୍ପିଅନସିପ୍ । ଏଥିରେ ୨୦ ଜଣ ଆଇଏମ ନର୍ମଧାରୀ ଚେସ ଖେଳାଳିଙ୍କ ସହ ମୋଟ ୭୦ ଜଣ ଖେଳାଳି ଭାଗ ନେଇ ଶ୍ରେଷ୍ଠ ଖେଳ ପ୍ରଦର୍ଶନ କରିଥିଲେ । ଚାମ୍ପିଅନସିପରେ ବ୍ରହ୍ମପୁର ଏମକେସିଜି ମେଡିକାଲ ଟିମ ଚାମ୍ପିଅନ ହୋଇଥିବା ବେଳେ ଏସସିବି ମେଡିକାଲ ଟିମ ରନର୍ସ ଅପ ହୋଇଛି ।
ରୋଗୀ ସେବା କରୁ କରୁ ନିଜ ପାଇଁ ସମୟ କାଢ଼ିବାକୁ ନାହିଁ ବେଳ । ଏହାରି ଭିତରେ ନିଜର ମନକୁ ତାଜା କରିବାକୁ ଡାକ୍ତରୀ ଛାତ୍ରଛାତ୍ରୀଙ୍କ ଭିତରେ ଆୟୋଜିତ ହୋଇଛି ପ୍ରତିଯୋଗିତା । ପ୍ରଥମ କରି ଡାକ୍ତରୀ ଛାତ୍ରଛାତ୍ରୀଙ୍କ ମଧ୍ଯରେ ଆୟୋଜିତ ହୋଇଛି ଡକ୍ଟରସ୍ ଚେସ ଚାମ୍ପିଅନସିପ । ୩ ଦିନ ଧରି ଆୟୋଜିତ ଏହି ଚମ୍ପିୟନସିପରେ ରାଜ୍ୟର ୧୧ ଟି ମେଡିକାଲ କଲେଜର ୭୦ ଜଣ ବଛାବଛା ଚେସ ଖେଳାଳି ଭାଗ ନେଇଥିଲେ । ସେମାନଙ୍କ ମଧ୍ଯରେ ବିଭିନ୍ନ ମେଡିକାଲ କଲେଜର ୨୦ରୁ ଅଧିକ ଆଇଏମ ନର୍ମଧାରୀ ଚେସ ଖେଳାଳି ଭାଗ ନେଇ ଶ୍ରେଷ୍ଠ ଖେଳ ପ୍ରଦର୍ଶନ କରିଥିଲେ । ଚାମ୍ପିଅନସିପରେ ବ୍ରହ୍ମପୁର ଏମକେସିଜି ମେଡିକାଲ କଲେଜ ଟିମ ଚାମ୍ପିଅନ ହୋଇଥିବା ବେଳେ କଟକ ଏସସିବି ମେଡିକାଲ ଟିମ ରନର୍ସ ଅଫ ହୋଇଛନ୍ତି ।
ରାଜ୍ୟର ମେଡିକାଲ କଲେଜ ଗୁଡିକରେ ପାଠ ପଢୁଥିବା ଡାକ୍ତର ଛାତ୍ରଛାତ୍ରୀଙ୍କୁ ନେଇ ବିଭିନ୍ନ ଖେଳକୁଦ ପ୍ରତିଯୋଗିତାର ଆୟୋଜନ କରାଯାଉଛି । ଏହାଦ୍ବାରା ସେମାନେ ନିଜର ବ୍ୟସ୍ତ ବହୁଳ ପାଠ୍ୟ ଖସଡା ଓ ରୋଗୀ ସେବା କାମରୁ ବାହାରି ଖେଳ କୁଦରେ ଆଗ୍ରହ ସୃଷ୍ଟି କରି ପାରୁଛନ୍ତି । ଏହାଛଡା ରାଜ୍ୟର ବିଭିନ୍ନ ମେଡିକାଲ କଲେଜର ଛାତ୍ରଛାତ୍ରୀଙ୍କ ମଧ୍ଯରେ ଏଭଳି ପ୍ରତିଯୋଗିତା ସୁସମ୍ପର୍କ ସୃଷ୍ଟି କରିବାରେ ସହାୟକ ହେଉଛି ।
