ଶ୍ରୀମନ୍ଦିରରେ ବ୍ୟବହାର ହେଉଥିବା ଘିଅର ଯାଞ୍ଚ ହେବ ମାନ
ପୁରୀ: ମହାପ୍ରଭୁଙ୍କ ସେବାରେ ବ୍ୟବହାର ହେଉଥିବା ଘିଅର ହେବ ଯାଞ୍ଚ । ଶ୍ରୀମନ୍ଦିରରେ ବ୍ୟବହାର ହେଉଥିବା ଘିଅର ମାନ ଯାଞ୍ଚ କରାଯିବ । ମହାପ୍ରଭୁଙ୍କ କୋଠ ଭୋଗ, ବରାଦି ଭୋଗ ଓ ଅନ୍ୟାନ୍ୟ ଭୋଗରେ ବ୍ୟବହାର ହୁଏ ଘିଅ । ନକଲି ଘିଅରେ ଭୋଗ ପ୍ରସ୍ତୁତ ହେବା ନେଇ କୌଣସି ଅଭିଯୋଗ ଆସି ନଥିଲେ ବି ଶୀଘ୍ର ଏହାର ମାନ ଯାଞ୍ଚ କରାଯିବ ।
ଏ ନେଇ ଓମଫେଡ ସହିତ ଆଲୋଚନା କରାଯିବ । ଶ୍ରୀମନ୍ଦିରରେ ବିଭିନ୍ନ ପ୍ରକାର ଘିଅ ବ୍ୟବହାର ହେଉଥିବାର ସମ୍ଭାବନା ରହିଛି । ମାନ ଯାଞ୍ଚ କରାଯାଇ ସମସ୍ତ ପଦକ୍ଷେପ ନିଆଯିବ ବୋଲି ଜିଲ୍ଲାପାଳ କହିଛନ୍ତି ।
ସେପଟେ ସୁଆର ମହାସୁଆର ନିଯୋଗର ସମ୍ପାଦକ କହିଛନ୍ତି ଶ୍ରୀମନ୍ଦିରରେ ଓମଫେଡ ଘିଅ ବ୍ୟବହାର କରାଯାଉଛି । ଶ୍ରୀମନ୍ଦିରରେ ପୂର୍ବରୁ କୋଠ ଭୋଗରେ ଗୁଆଘିଅ ବ୍ୟବହୃତ ହୋଇଥିବାବେଳେ ବରାଦି ଭୋଗ ଅନୁସାରେ ଘିଅ ବ୍ୟବହୃତ ହେଉଥିଲା । ଅପମିଶ୍ରିତ ଘିଅ ଶ୍ରୀମନ୍ଦିରରେ ବ୍ୟବହାର କରାଯାଉନାହିଁ । ବର୍ତ୍ତମାନ ଶ୍ରୀମନ୍ଦିରରେ ବିଭିନ୍ନ ଭୋଗରେ ଓ ଦୀପରେ ଓମଫେଡ ଘିଅ ବ୍ୟବହାର କରାଯାଉଛି ।
