କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ବଢ଼ିଲା ଅଡୁଆ

ନନ୍ଦିଘୋଷ ବ୍ୟୁରୋ: କର୍ଣ୍ଣାଟକର ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କୁ ହାଇକୋର୍ଟ ଝଟକା। ଜମି ଦୁର୍ନୀତିରେ ସିଦ୍ଧରମୈୟାଙ୍କ ବିରୋଧରେ ମାମଲା ପାଇଁ ରାଜ୍ୟପାଳଙ୍କ ଅନୁମୋଦନ ଠିକ୍ ବୋଲି କହିଛନ୍ତି ହାଇକୋର୍ଟ। ରାଜ୍ୟପାଳଙ୍କ ଅନୁମୋଦନକୁ ଖାରଜ କରିବାକୁ ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲେ ସିଦ୍ଧରମୈୟା।

କିନ୍ତୁ ହାଇକୋର୍ଟ କହିଛନ୍ତି, ଆଇନ ଅନୁସାରେ ରାଜ୍ୟପାଳଙ୍କ ନିଷ୍ପତ୍ତି ଉଚିତ। ସେ ଠିକରେ ନିରପେକ୍ଷ ଭାବେ ନିଷ୍ପତ୍ତି ନେଇଛନ୍ତି। ଜମି ଦୁର୍ନୀତି ଅଭିଯୋଗର ତଦନ୍ତ ହେବ କହି ସିଦ୍ଧରମୈୟାଙ୍କ ପିଟିସନକୁ ଖାରଜ କରିଛନ୍ତି କର୍ଣ୍ଣାଟକ ହାଇକୋର୍ଟ। ଦୁଇ ସପ୍ତାହ ଯାଏ ହାଇକୋର୍ଟଙ୍କ ରାୟ ସ୍ଥଗିତ ରଖିବାକୁ ମଧ୍ୟ କରଯାଇଥିବା ଆବେଦନକୁ ଖାରଜ କରାଯାଇଛି। ଜାଲିଆତି କରି ସିଦ୍ଧରମୈୟା ନିଜ ପରିବାର ପାଇଁ ଜମି ହାତେଇଥିବାର ଅଭିଯୋଗ ହୋଇଥିଲା। ଆଜିର ହାଇକୋର୍ଟଙ୍କ ରାୟ ପରେ ବିଜେପି ସିଦ୍ଧରମୈୟାଙ୍କ ଇସ୍ତଫା ଦାବି କରିଛି।