ପୋଷ୍ଟମର୍ଟମ ଷ୍ଟ୍ରେଚରରୁ ଉଠିଲେ ମୃତ ଯୁବକ, କହିଲେ ମୁଁ ଜୀବନ୍ତ ଭାଇ …

ନନ୍ଦିଘୋଷ ବ୍ୟୁରୋ: ଯଦି ଜଣେ ବ୍ୟକ୍ତିଙ୍କୁ ପୋଷ୍ଟମର୍ଟମ ପାଇଁ ନିଆଯାଏ ଏବଂ ସେ ହଠାତ୍ ଠିଆ ହେଇ କୁହନ୍ତି ମୁଁ ଜୀବନ୍ତ ଭାଇ , ତେବେ କଳ୍ପନା କରନ୍ତୁ ସେଠାରେ ଉପସ୍ଥିତ ଥିବା ଲୋକଙ୍କ ଅବସ୍ଥା କ’ଣ ହେବ ? ଆଜ୍ଞା ହଁ ବିହାରର ନାଲଣ୍ଡା ଜିଲ୍ଲାରୁ ଏଭଳି ମାମଲା ସାମ୍ନାକୁ ଆସିଛି। ସକାଳୁ ସଫେଇ କର୍ମଚାରୀ ସଫା କରିବା ପାଇଁ ବିହାର ସରିଫ ଡାକ୍ତରଖାନାଆସିଥିବା ବେଳେ ପ୍ରଥମ ମହଲାରେ ଥିବା ଶୌଚାଳୟର କବାଟ ସକାଳୁ ଭିତରୁ ତାଲା ପଡିଥିବାର ସୂଚନା ଦେଇଥିଲେ । ତାଙ୍କ ସୂଚନାକୁ ଭିତ୍ତି କରି ପୋଲିସକୁ ମଧ୍ୟ ସୂଚନା ଦିଆଯାଇଥିଲା। ପୋଲିସ ଘଟଣାସ୍ଥଳରେ ପହଞ୍ଚିବା ପରେ କୋଠରୀର କବାଟ ଭାଙ୍ଗିଲା, ସେତେବେଳେ ଜଣେ ଯୁବକ ଭିତର ଚଟାଣରେ ପଡ଼ିଥିବାର ଦେଖିବାକୁ ମିଳିଥିଲା। ପରେ ପୋଲିସ ଘଟଣାର ତଦନ୍ତ କରିଥିଲା ।ପରେ ସେଠାରେ ଉପସ୍ଥିତ ପୋଲିସ କର୍ମୀ ଓ ସ୍ବାସ୍ଥ୍ୟକର୍ମୀ ଯୁବକର ନାଡି ଅନୁଧ୍ୟାନ ନକରି ତାଙ୍କୁ ମୃତ ଘୋଷଣା କରିଦେଇଥିଲେ ।

ଏହାରି ଭିତରେ ଏହି କଥାକୁ କିଏ ସିଭିଲ ସର୍ଜନ ଡକ୍ଟର ଜିତେନ୍ଦ୍ର କୁମାର ସିଂଙ୍କ କାନରେ ପହଞ୍ଚାଇ ଦେଇଥିଲା । ତେବେ ସେ ଘଟଣାସ୍ଥଳକୁ ଆସି ଯୁବକର ନାଡି ଅନୁଧ୍ୟାନ ନକରି ସିଧାସଳକ ପୋଷ୍ଟମର୍ଟକ କରିବା ପାଇଁ ତାଙ୍କ ସହକର୍ମୀଙ୍କ କହିଥିଲେ । ଯାହାକୁ ଶୁଣି ଯୁବକ ଜଣକ  ଛିଡା ହେଇ କହିଲେ ମୁଁ ଜୀବନ୍ତ ଅଛି ଭାଇ । ଯୁବକକୁ ଠିଆ ହୋଇଥିବା ଦେଖି ସିଭିଲ୍ ସର୍ଜନ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ, ସେଠାରେ ଉପସ୍ଥିତ ଥିବା ଲୋକମାନେ ମଧ୍ୟ ଡରି ଯାଇଥିଲେ ଯେ ଯୁବକଟିର ମୃତଦେହ ଏଠାରେ ପଡ଼ିଛି, ତେବେ ସେ କିପରି ଜୀବିତ ହେଲେ ? ପରେ ସମସ୍ତେ ଦେଖିଲେ ଯେ ତାଙ୍କ ନାଡି ଯାଞ୍ଚ ନକରି ତାଙ୍କୁ ପୋଷ୍ଟମର୍ଟମ ପାଇଁ ନିଆଯାଉଥିଲା । ପ୍ରକୃତ ଘଟଣା ଜାଣିବା ପରେ ସେଠାରେ ଉପସ୍ଥିତ ଥିବା ସମସ୍ତେ ଲୋକ ହସିବାକୁ ଲାଗିଲେ।