ବିଶ୍ବକର୍ମା ଭସାଣ ବେଳେ ବୁଡ଼ିଗଲେ ଦୁଇ ଆଇଆଇଟି ଛାତ୍ର
ବାରିପଦା: ଗଣେଶ ଭସାଣ ଅଘଟଣ ମନରୁ ନଯାଉନୁ, ବିଶ୍ବକର୍ମା ଭସାଣରେ ସମାନ ଘଟଣା । ବିଶ୍ବକର୍ମା ଭସାଣ ବେଳେ ବୁଡ଼ି ଦୁଇ ଆଇଆଇଟି ଛାତ୍ରଙ୍କ ମୃତ୍ୟୁ । ଏମିତି ଘଟଣା ଘଟିଛି ବାରିପଦା ଉପକଣ୍ଠ କାଠପାଳ ବନ୍ଧରେ ।
ଗତକାଲି ଗୋପୀନାଥ ଶିଳ୍ପ ତାଲିମ କେନ୍ଦ୍ରରେ ବିଶ୍ବକର୍ମା ପୂଜା ବହୁ ଧୂମଧାମରେ ପାଳନ କରାଯାଇଥିଲା । ଆଜି ମୂର୍ତ୍ତି ବିସର୍ଜନ ପାଇଁ କାଠପାଳ ବନ୍ଧକୁ ଛାତ୍ରମାନେ ଆସିଥିଲେ । ବିସର୍ଜନ କରିବା ବେଳେ ଦୁଇ ଜଣ ଛାତ୍ର ବୁଡ଼ାଯାଇ ନିଖୋଜ ହୋଇଯାଇଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଭୟଙ୍କର ମୃତଦେହ ଉଦ୍ଧାର କରିଛି ।
ସୂଚନାଯୋଗ୍ୟ, ଗଣେଶ ଭସାଣ ବେଳେ ରାଜ୍ୟର ଏକାଧିକ ସ୍ଥାନର ସମାନ ଅଭିଯୋଗ ଆସିଥିଲା । ନଦୀରେ ବୁଡି କାହାର ଗୀବନ ଯାଇଥିଲା ତ କେଉଁଠି ପୋଖରୀରେ । ବାରମ୍ବାର ଏମିତି ଘଟଣା ଘଟୁଥିଲେ ବି ଠାକୁର ବିସର୍ଜନ ବେଳେ ରହୁନି ସଚେତନତା । ଅସାବଧାନତା ହେଉ କି ଅନ୍ୟ କିଛି କାରଣ ବାରମ୍ବାର ଏମିତି ଜୀବନ ଯିବା ଚିନ୍ତା ସୃଷ୍ଟି କରିଛି ।
