ପ୍ରଧାନମନ୍ତ୍ରୀଙ୍କ ଗସ୍ତକୁ ଆଖି ଆଗରେ ରଖି ଭୁବନେଶ୍ଵରର ସମସ୍ତ ହୋଟେଲରେ କଡ଼ାକଡି ଯାଞ୍ଚ

ଭୁବନେଶ୍ୱର: ପ୍ରଧାନମନ୍ତ୍ରୀଙ୍କ ଗସ୍ତକୁ ଆଖି ଆଗରେ ରଖି ଭୁବନେଶ୍ଵରର ସମସ୍ତ ହୋଟେଲରେ କଡ଼ାକଡି ଯାଞ୍ଚ। କମିଶନରେଟ ପୁଲିସ ତରଫରୁ ଶନିବାର “ସେଫ ସିଟି ଡ୍ରାଇଭ“ ଅଧୀନରେ ଯାଞ୍ଚ କରାଯାଇଛି । କ୍ଯାପିଟାଲ ଥାନା ଅଧୀନରେ ଥିବା ୯ ଗୋଟି ହୋଟେଲ, ଖାରବେଳନଗର ଥାନା ଅଧୀନରେ ଥିବା ୧୦ ଟି, ଲକ୍ଷ୍ମିସାଗର ଥାନା ଅଧୀନରେ ଥିବା ୬ ଟି ହୋଟେଲରେ ଯାଞ୍ଚ କରାଯାଇଛି । ସେହିଭଳି ବଡଗଡ ଥାନା ଅଞ୍ଚଳରେ ଥିବା ୫ଟି ହୋଟେଲ, ଶହୀଦନଗର ଥାନା ଅଞ୍ଚଳରେ ଥିବା ୫ ଟି ହୋଟେଲ, ମୈତ୍ରିବିହାର ଥାନା ଅଞ୍ଚଳରେ ଥିବା ୧୦ଟି ହୋଟେଲ, ନୟାପଲ୍ଲୀ ଥାନା ଅଞ୍ଚଳରେ ଥିବା ୪ଟି ହୋଟେଲ, ମଞ୍ଚେଶ୍ଵର ଥାନା ଅଞ୍ଚଳରେ ଥିବା ୬ ଟି ହୋଟେଲରେ ମଧ୍ୟ ଯାଞ୍ଚ ହୋଇଛି ।

ସେହିପରି ଭରତପୁର ଥାନା ଅଞ୍ଚଳରେ ଥିବା ୫ ଟି ହୋଟେଲ ଏବଂ ଖଣ୍ଡଗିରୀ ଥାନା ଅଞ୍ଚଳରେ ଥିବା ମୋଟ ୫ ଟି ହୋଟେଲ ଆଦି ଗୁଡିକରେ କଡାକଡି ଭାବେ ଯାଞ୍ଚ କରାଯାଇଛି । ଏହି ଯାଞ୍ଚ ସମୟରେ ହୋଟେଲ ମାଲିକ ମାନଙ୍କୁ “ସରାଇ ଆପ” ବ୍ୟବହାର କରିବା ସହିତ ଉକ୍ତ ଆପ ମାଧ୍ୟମରେ ହୋଟେଲରେ ରହୁଥିବା ସମସ୍ତ ବ୍ୟକ୍ତି ବିଶେଷ ମାନଙ୍କର ସବିଶେଷ ତଥ୍ୟ ପ୍ରତ୍ୟେକ ଦିନ ଅପଲୋଡ କରିବା ପାଇଁ ନିର୍ଦ୍ଦେଶ ଦିଆ ଯାଇଥିଲା । ଏହି ଆପକୁ ସେମାନେ ଡାଉନଲୋଡ କରିବା ସହ ସେଥିରେ ଗ୍ରାହକ ମାନଙ୍କ ସମସ୍ତ ବିବରଣୀ ପଞ୍ଜୀକୃତ କରିବାଲାଗି ମଧ୍ୟ ନିର୍ଦ୍ଦେଶ ଦିଆଯାଇଥିଲା । କେଉଁ ହୋଟେଲରେ କେତେ ଗ୍ରାହକ ଅଛନ୍ତି, କାହାର ଅପରାଧିକ ସମ୍ପର୍କ କାହା ସହ ଅଛିକି ନାହିଁ ଏହିସବୁ ବିଷୟରେ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରାଯାଇଥିଲା ।