ଜିମ୍ ବାହାରେ ଗୁଳି କରି ଜିମ ମାଲିକଙ୍କୁ ହତ୍ଯା

ଦିଲ୍ଲୀ : ଦିଲ୍ଲୀ ଗ୍ରେଟର କୈଳାସ ଅଞ୍ଚଳରେ ଜିମ ମାଲିକଙ୍କୁ ହତ୍ଯା। ଜିମ୍‌ ବାହାରେ ଗୁଳିମାଡ଼ କରି ହତ୍ଯା କରିଛି ଦୁର୍ବୃତ୍ତ। ଜିମ ମାଲିକ ନାଦିର ଶାହାଙ୍କୁ ଗୁଳି କରି ହତ୍ଯା କରିଛି ଦୁର୍ବୃତ୍ତ। ନାଦିରଙ୍କ ଉପରକୁ ୧୧ ରାଉଣ୍ଡ୍‌ ଗୁଳିମାଡ଼ କରିଥିଲା ଦୁର୍ବୃତ୍ତ। ତାଙ୍କ ଦେହରେ ୮ ରାଉଣ୍ଡ୍‌ ଗୁଳି ବାଜିଥିଲା।ଗୁରୁତର ଭାବେ ମେଡିକାଲରେ ଭର୍ତ୍ତି ହୋଇଥଇ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ହତ୍ୟା ପୂର୍ବରୁ ପ୍ରାୟ ଘଣ୍ଟାକ ଧରି ତଦାରଖ କରିଥିଲା ଦୁର୍ବୃତ୍ତ। ଜିମ୍‌ ପାଖରେ ଜଗି ରହି ସୁଯୋଗକୁ ଅପେକ୍ଷା କରିଥିଲା। ହତ୍ଯାକାଣ୍ଡ ପଛରେ ଲରେନ୍ସ ବିଷ୍ଣୋଇ ଗ୍ଯାଙ୍ଗର ହାତ ଥିବା ଚର୍ଚ୍ଚା ହେଉଛି। ଲରେନ୍ସ ବିଷ୍ନୋଇ ଗ୍ୟାଙ୍ଗର ଗୋଲ୍ଡି ବ୍ରାର୍‌ଙ୍କ ଘନିଷ୍ଠ ଗ୍ୟାଙ୍ଗଷ୍ଟର ରୋହିତ ଗୋଡାରାଙ୍କ ନାମ  ନେଇ ଚର୍ଚ୍ଚା ହେଉଛି। ହତ୍ଯାକାଣ୍ଡ ସମୟର ସିସିଟିଭି ଭିଡିଓ ପୋଲିସର ହସ୍ତଗତ ହୋଇଛି। ଏହି ଭିଡିଓରେ ଦୁର୍ବୃତ୍ତ ଆସି ଗୋଟି ଗୋଟି କରି ଗୁଳିମାଡ଼ କରୁଥିବା ଦେଖିବାକୁ ମିଳିଛି ।