ଢେଙ୍କାନାଳ ପ୍ରସିଦ୍ଧ ଗଜଲକ୍ଷ୍ମୀ ପୂଜା ପାଇଁ ଅନୁକୁଳ

ନନ୍ଦିଘୋଷ ବ୍ୟୁରୋ: ଢେଙ୍କାନାଳ ପ୍ରସିଦ୍ଧ ଗଜଲକ୍ଷ୍ମୀ ପୂଜା ପାଇଁ ଆଜି ମାଟି ଅନୁକୁଳ କରାଯାଇଛି । ଆଜି ପବିତ୍ର ରାଧାଷ୍ଟମୀ ତିଥିରେ ପରମ୍ପରା ଅନୁଯାୟୀ ମଉଡମଣୀ ବଜାର, ମୀନାବଜାର, ଗଣେଶ ବଜାର ମାଟି ଉଠାଇଛନ୍ତି ।  ବିରାଟ ପଟୁଆରରେ ପୂଜା ପ୍ରତିଷ୍ଠାନର କର୍ମକର୍ତ୍ତା ବ୍ରାହ୍ମଣୀ ନଦୀ ପଠାରେ ପହଞ୍ଚିଥିଲେ । ସେଠାରେ ବ୍ରାହ୍ମଣଙ୍କ ଦ୍ୱାରା ସ୍ୱତନ୍ତ୍ର ପୂଜା କରାଯାଇ ମୃତ୍ତିକା ପୂଜନ କରାଯାଇଥିଲା । ଘଣ୍ଟ ଘଣ୍ଟା ଶଙ୍ଖ ଧ୍ୱନୀରେ ପ୍ରକମ୍ପିତ ହୋଇଥିଲା ବ୍ରାହ୍ମଣୀ ନଦୀ ପଠା । ଏହି ଅନୁକୁଳ ମାଟି ନେଇ ମୃଣ୍ମୟୀ ମୂର୍ତ୍ତି କାମ ଆରମ୍ଭ ହେବ । ଆସନ୍ତା ମାସ ୧୬ ତାରିଖ ଠାରୁ ୧୧ ଦିନ ଧରି ଗଜଲକ୍ଷ୍ମୀ ପୂଜା ଚାଲିବ । ଚଳିତ ବର୍ଷ ଗଜଲକ୍ଷ୍ମୀ ପୂଜାକୁ ଅଧିକ ଆକର୍ଷଣୀୟ କରିବା ପାଇଁ ସମସ୍ତ ପୂଜା ମଣ୍ଡପର କର୍ମକର୍ତ୍ତା ଯୋଜନା ପ୍ରସ୍ତୁତ କରିଛନ୍ତି ।