ବଲାଙ୍ଗୀର ମାଲଗୋଦାମପଡ଼ାରେ ଗୋଷ୍ଠୀ ସଂଘର୍ଷ, ସଂଘବଦ୍ଧ ଆକ୍ରମଣରେ ଜଣକର ମୃତ୍ଯୁ

ବଲାଙ୍ଗୀର : ବଲାଙ୍ଗୀର ମାଲଗୋଦାମପଡାରେ ଗୋଷ୍ଠୀ ସଂଘର୍ଷ । ଏଥିରେ ଜଣକର ମୃତ୍ଯୁ ହୋଇଥିବାବେଳେ ଦୁଇ ଜଣ ଗୁରୁତର ହୋଇଛନ୍ତି। ମୃତକ ହେଲେ ନିରଜ ହରପାଳ । ଗତକାଲି ରାତିରେ ଘଟିଥିଲା ଏ ସଂଘର୍ଷ।ପୂର୍ବ ଶତ୍ରୁତାକୁ କେନ୍ଦ୍ରକରି ଦୁଇ ଗୋଷ୍ଟି ମଧ୍ୟରେ ଗଣ୍ଡଗୋଳ ଘଟିଥିଲା। ରାସ୍ତାରେ ଖଣ୍ଡା ବୁଲିବା ପରେ ସହରରେ ଆତଙ୍କ ଖେଳି ଯାଇଥିଲା । ଦୁଇ ଗୁରୁତରଙ୍କୁ ପ୍ରଥମରେ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରାଯାଇଥିଲା। ସେମାନଙ୍କ ମଧ୍ୟରୁ ଜଣଙ୍କର ଅବସ୍ଥା ସଂକଟାପନ୍ନ ରହିଛି। ତାଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ଟାଉନ୍ ଥାନା ପୋଲିସର ତଦନ୍ତ ଜାରି ରହିଛି।