ଜମ୍ମୁ କାଶ୍ମୀର ବିଧାନସଭା ନିର୍ବାଚନ ପାଇଁ ଚାଲିଛି ନାମାଙ୍କନ ଦାଖଲ

ଜମ୍ମୁ ଓ କାଶ୍ମୀର: ବିଧାନସଭା ନିର୍ବାଚନ ପାଇଁ ଜାମ୍ମୁ ଓ କାଶ୍ମୀରରେ ଆରମ୍ଭ ହୋଇଛି ପ୍ରାର୍ଥିପତ୍ର ଦାଖଲ ପ୍ରକ୍ରିୟା । କଂଗ୍ରେସ, ବିଜେପି ଓ ଅନ୍ଯାନ୍ଯ ଦଳ ପକ୍ଷରୁ ଚାଲିଛି ପ୍ରାର୍ଥୀ ପତ୍ର ଦାଖଲ । ଶହ ଶହ କର୍ମୀଙ୍କ ଗହଣରେ ନେତାମାନେ ଯାଇ ପ୍ରାର୍ଥିପତ୍ର ଦାଖଲ କରୁଛନ୍ତି ।

ସାଲେଙ୍ଗ ବିଧାନସଭା ଆସନରୁ ପ୍ରାର୍ଥିପତ୍ର ଦାଖଲ କରିଛନ୍ତି ଜାମ୍ମୁ ଓ କାଶ୍ମୀର କଂଗ୍ରେସ ସଭାପତି ତାରିକ ହମିଦ । ଶତାଧିକ କର୍ମୀଙ୍କ ଗହଣରେ ଯାଇ ସେ ପ୍ରାର୍ଥିପତ୍ର ଦାଖଲ କରିଛନ୍ତି । ସେହିପରି ବୁଦୁଗାଓଁ ଆସନ ଲାଗି ପ୍ରାର୍ଥିପତ୍ର ଦାଖଲ କରିଛନ୍ତି ନ୍ଯାସନାଲ କନଫରେନ୍ସ ନେତା ଓମାର ଅବଦୁଲ୍ଲା । ତେଣେ ମେନ୍ଧାର ନିର୍ବାଚନ ମଣ୍ଡଳୀ ଲାଗି ପ୍ରାର୍ଥିପତ୍ର ଦାଖଲ କରିଛନ୍ତି ବିଜେପିର ମୁର୍ତାଜା ଖାଁ । ଗତକାଲି ରାମବନ ଓ ଅନନ୍ତନାଗରେ ନିର୍ବାଚନୀ ପ୍ରଚାର କରିଥିଲେ କଂଗ୍ରେସ ନେତା ରାହୁଲ ଗାନ୍ଧୀ ।