କୋଟିଆ ପ୍ରସଙ୍ଗ : ଗୃହରେ ଉଦବେଗ ପ୍ରକାଶ କଲେ କଂଗ୍ରେସ ବିଧାୟକ ଦଳ ନେତା

ନନ୍ଦିଘୋଷ ବ୍ୟୁରୋ: କୋଟିଆ ପ୍ରସଙ୍ଗରେ ବିଧାନସଭା ଶୂନ୍ୟକାଳରେ ଉଦବେଗ ପ୍ରକାଶ କଲେ କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ । କୋଟିଆର ସୁରକ୍ଷା ପାଇଁ ସରକାରଙ୍କୁ ନିର୍ଦ୍ଦେଶ ଦେବାକୁ ବାଚସ୍ପତିଙ୍କୁ ଅନୁରୋଧ କରିଛନ୍ତି ରାମଚନ୍ଦ୍ର । ସେ କହିଛନ୍ତି ଇଞ୍ଜିନ ଡବଲ ସରକାର ଏବେ ଭାରି ପଡ଼ୁଛି । ଆନ୍ଧ୍ର ସରକାର ଆଦାନୀ ସହ MOU କରି ୧୨୦୦ସହ ମେଗାୱାଟର ଜଳ ବିଦ୍ୟୁତ୍ ପ୍ରକଳ୍ପ ଓ ଦୁଇଟି ଡ୍ୟାମ ନିର୍ମାଣ କରିବାକୁ ଯାଉଛି । ଓଡ଼ିଶାର ପାଣି, ଜମି ଓ ଜଙ୍ଗଲକୁ ନେଇ ଆନ୍ଧ୍ର ଉପକୃତ ହେବ । ହେଲେ କ୍ଷତି ସହିବ ଓଡ଼ିଶା । ଆନ୍ଧ୍ରର ପ୍ରକଳ୍ପ ଦ୍ବାରା ୩୦ଗାଁ ପ୍ରଭାବିତ ହେବ । ଆନ୍ଧ୍ର ସରକାରଙ୍କୁ କେନ୍ଦ୍ର ସରକାର ବଳ ଦେଉଛନ୍ତି l ଯାହା ଫଳରେ ଓଡିଶାକୁ ଆନ୍ଧ୍ର ମାଡ଼ି ମାଡି ଆସୁଛି l  ସଚେତନ ନହେଲେ ଓଡିଶାରେ ଆନ୍ଧ୍ରର ଦାଦାଗିରି ଜାରି ରହିବ l ଏଣୁ ତୁରନ୍ତ ମୁଖ୍ୟମନ୍ତ୍ରୀ ଓ ରାଜସ୍ବ ମନ୍ତ୍ରୀ ଠୋସ ପଦକ୍ଷେପ ନେବାକୁ ଦାବି ହୋଇଛି ।