ପାରାଦ୍ବୀପରେ ଇଞ୍ଜିନରୁ ଛିଡି ରହିଗଲା ୧୭ ବଗି, ରେଳ ଚଳାଚଳ ବାଧାପ୍ରାପ୍ତ

ପାରାଦ୍ଵୀପ: ପାରାଦ୍ବୀପ- ବାଉରିଆପାଳନ୍ଦାରେ ଏକ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି। ଇଞ୍ଜିନରୁ ଛିଡି ରହି ଗଲା ୧୭ ଟି ବଗି । ଗୋଟିଏ ବଗି ଓଲଟି ପଡିଥିବା ବେଳେ ଗୋଟିଏ ଅଧା ଅଣେଇ ହୋଇ ରହିଛି। ଟ୍ରାକ୍ରୁ ବାହାରି ଲାଇନଚ୍ୟୁତ ହୋଇଛି ୪ଟି ବଗି। ପାରାଦ୍ଵୀପ ବନ୍ଦର ଭିତରକୁ ଏହି ବଗି ଗୁଡିକୁ ନେଇ ଯାଉଥିଲା ମାଲବାହୀ ଟ୍ରେନ।

ତେବେ ଏହି ୩୭ ଟି ବଗି ରିଜେକ୍ଟ ବଗି ହୋଇଥିବା ସୂଚନା ମିଳିଛି। ଏହି ବଗି ଗୁଡିକୁ ବନ୍ଦର ଭିତରେ ରଖାଯାଇଥାନ୍ତା। ପୁରୁଣା ବଗି ତିନିରୁ ଚାରିଟି ବଗି ନେବା କଥା ମାତ୍ର ରେଳ କର୍ତ୍ତୃପକ୍ଷ ୩୭ ଟି ବଗି ଏକକାଳୀନ କାହିଁକି ଯାଉଥିଲା ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ଏହି ଲାଇନଚ୍ୟୁତ ଯୋଗୁ ରେଲୱେ ଟ୍ରାକ ରେ ଟ୍ରାଫିକ ସମସ୍ୟା ସୃଷ୍ଟି ହୋଇଛି । ଘଟଣାସ୍ଥଳରେ ରେଲୱେ କର୍ତ୍ତୃପକ୍ଷ ଓ ବନ୍ଦର ଅଧିକାରୀ ପହଞ୍ଚି ଟ୍ରେନ ଲାଇନ କୁ ଠିକ କରିବା ପାଇଁ ପ୍ରୟାସ ଆରମ୍ଭ କରିଛନ୍ତି।