ଭୁବନେଶ୍ୱର: ଗିରଫ ହେଲେ, ସସପେଣ୍ଡ ବି ହେଲେ । ଲାଞ୍ଚ ନେଇ ଭିଜିଲାନ୍ସ ଜାଲରେ ପଡିଥିବା ଆଇଏଏସ୍ ଅଫିସରଙ୍କୁ ଶେଷରେ ରାଜ୍ୟ ସରକାର ଚାକିରୀରୁ ସସପେଣ୍ଡ କରିଛନ୍ତି । ୧ ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଥିଲେ ଆଇଏଏସ୍ ଅଫିସର ବିଜୟ କେତନ ଉପାଧ୍ୟାୟ ।
ରାଜ୍ୟ ସରକାରଙ୍କ 5T କାର୍ଯ୍ୟକ୍ରମରେ ମିଳିଥିବା ଫିଡ୍ବ୍ୟାକ ଆଧାରରେ ଉଦ୍ୟାନ କୃଷି ବିଭାଗର ନିର୍ଦ୍ଦେଶକ ବିଜୟ କେତନ ଉପାଧ୍ୟାୟ ଧରାପଡିଥିଲେ । ତାଙ୍କ ବାସଭବନ ସମେତ ଅନ୍ୟ ସ୍ଥାନମାନଙ୍କରେ ଚଢାଉ ଜାରିରହିଛି । ୨୦୦୯ ବ୍ୟାଚ୍ର ଆଇଏଏସ୍ ବିଜୟ କେତନ ଉପାଧ୍ୟାୟ ଓଡ଼ିଶା ଟପ୍ପର ଥିଲେ।
ବାଲେଶ୍ୱର ସୋର ଅଞ୍ଚଳର ବିଜୟ କେତନ ଅନେକ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱରେ ରହିଛନ୍ତି। ପୂର୍ବରୁ ସେ ଜଳସେଚନ ବିଭାଗର ଏବଂ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଯୁଗ୍ମ ସଚିବ ଭାବେ ଦାୟିତ୍ୱ ତୁଲାଇଥିଲେ। ଏଥିସହ କଳାହାଣ୍ଡି ଜିଲ୍ଲାପାଳ ଭାବେ ମଧ୍ୟ ଦାୟିତ୍ୱ ନେଇଥିଲେ।
