ସୁଶାନ୍ତ ଧଳସାମନ୍ତ ସେଲକୁ କେମିତି ଗଲା ମୋବାଇଲ, ଚାଲିଛି ଯାଞ୍ଚ

ବଲାଙ୍ଗୀର: ବଲାଙ୍ଗୀର ଜେଲରେ ଥିବା ଗ୍ୟାଙ୍ଗଷ୍ଟର ସୁଶାନ୍ତ ଧଳସାମନ୍ତ ସେଲରୁ ମୋବାଇଲ ମିଳିବା ଖବର । ଜେଲ୍ ଡିଆଇଜି କୁଳମଣି ବେହେରା ଜେଲରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ଜେଲ୍ ସୁପରିଟେଣ୍ଡେଣ୍ଟଙ୍କ ସହିତ ମିଶି ଡିଆଇଜି ତଦନ୍ତ କରୁଛନ୍ତି ।

ଜେଲ ଭିତରକୁ କେମିତି ମୋବାଇଲ ଆସିଲା ? କିଏ କିଏ ଏଥିରେ ସଂପୃକ୍ତ ? କାହାକୁ ଜେଲ ଭିତରୁ ସୁଶାନ୍ତ ଫୋନ୍ କରିଥିଲା କି ? ଏ ସବୁ ପ୍ରଶ୍ନ ଏବେ ଛିଡା ହୋଇଛି । ଧଳସାମନ୍ତର ସେଲରୁ ମୋବାଇଲ ମିଳିଥିବାରୁ ଏ ସଂପର୍କରେ ଟାଉନ ଥାନାରେ ଏତଲା ଦେଇଥିଲେ ଜେଲ୍ ସୁପରିଟେଣ୍ଡେଣ୍ଟ । ତେଣୁ ଟାଉନ ଥାନା ପୋଲିସ ମଧ୍ୟ ତଦନ୍ତ କରୁଛି । ବଲାଙ୍ଗୀର ଏସପି ଋଷିକେଶ ଖିଲାରିଙ୍କ ନେତୃତ୍ଵରେ ତଦନ୍ତ କରାଯାଉଛି । ଜବତ ମୋବାଇଲକୁ ନେଇ ସାଇବର ଓ ଟେକ୍ନିକାଲ ଟିମ୍ ମଧ୍ୟ ତଦନ୍ତ କରୁଛନ୍ତି ।