ବିଜେପିର ନିଜ ପ୍ରାର୍ଥୀଙ୍କ ଉପରେ ଭରସା ନାହିଁ : ଅରୁଣ ସାହୁ

ନନ୍ଦିଘୋଷ ବ୍ୟୁରୋ: ରାଜ୍ଯସଭା ନିର୍ବାଚନରେ ଦୁଇ ଜଣ ବିଜେପି ନେତା ପ୍ରାର୍ଥିପତ୍ର ଦାଖଲ କରିବା ଉପରେ ପ୍ରଶ୍ନ ଉଠାଇଛନ୍ତି ବିଜେଡିର ଅରୁଣ ସାହୁ। ସେ କହିଛନ୍ତି, ଗତକାଲି ବିଜେପି ଧାର ନେଇଥିବା ପ୍ରାର୍ଥୀଙ୍କୁ ନେଇ ରାଜ୍ୟସଭା ଉପନିର୍ବାଚନ ପାଇଁ ନାମାଙ୍କନ ଭରିଲେ। କିଛି ସମୟ ପରେ ଆଉ ଜଣେ ବିଜେପି ନେତା ବିଜେପି ବିଧାୟକଙ୍କ ସମର୍ଥନରେ ନାମାଙ୍କନ ଭରିଲେ। ଏହା ଦ୍ୱନ୍ଦ୍ୱ ସୃଷ୍ଟି କରିଛି। ଜଣା ପଡୁଛି ସେମାନଙ୍କର ନିଜ ପ୍ରାର୍ଥୀ ଉପରେ ଭରସା ନାହିଁ। ନ ହେଲେ ସେମାନେ ନିଜକୁ ଅସୁରକ୍ଷିତ ମନେ କରୁଛନ୍ତି। ଯେଉଁ ବିଧାୟକମାନଙ୍କ ସମର୍ଥନରେ ଅନ୍ୟ ପ୍ରାର୍ଥୀ ନାମାଙ୍କନ କଲେ, ସେଥିରେ ଦଳୀୟ ସ୍ୱୀକୃତି ଥିଲା କି? ସେମାନେ ସ୍ପଷ୍ଟ କରନ୍ତୁ, ଦ୍ଵିତୀୟ ପ୍ରାର୍ଥୀ କଣ ପାଇଁ? ଦ୍ଵିତୀୟ ପ୍ରାର୍ଥୀ ଓ ସମର୍ଥକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବ କି ବିଜେପି? ଯଦି ସେମାନେ ଏହା ସ୍ପଷ୍ଟ ନ କରନ୍ତି, ତା ହେଲେ ଧରି ନିଆଯିବ, ବିଜେପିରେ ବିଶ୍ୱାସ ଓ ଭରସାର ସଙ୍କଟ ଦେଖା ଦେଇଛି।