ପଶ୍ଚିମବଙ୍ଗରୁ ଆସିଲା ଆଳୁ

ନନ୍ଦିଘୋଷ ବ୍ୟୁରୋ: ପଶ୍ଚିମବଙ୍ଗରୁ ଓଡ଼ିଶାକୁ ଆସିଲା ଆଳୁ। ପଶ୍ଚିମବଙ୍ଗ ସରକାରଙ୍କ ସହିତ ବ୍ଯବସାୟୀଙ୍କ ଆଲୋଚନା ପରେ ଗତ ରାତିରୁ ଆଳୁ ଟ୍ରକ ଓଡ଼ିଶା ଆସିଛି।ଏହା ସହ ପଶ୍ଚିମବଙ୍ଗ ସୀମାନ୍ତ ସୋନାକଣିଆ  ନିକଟରେ ଥିବା ନାକା ପଏଣ୍ଟକୁ ହଟାଇ ଦିଆ ଯାଇଛି। ଏହା ଦ୍ଵାରା ଲକ୍ଷ୍ମଣ ନାଥ ଚେକପୋଷ୍ଟ ଦେଇ ଓଡିଶାକୁ ବହୁ ଆଳୁ ଟ୍ରକ ଆସିଛି। ଗତକାଲି ପଶ୍ଚିମବଙ୍ଗ ସରକାର ଓ ଆଳୁ ବ୍ୟବସାୟୀଙ୍କ ଏକ ବୈଠକ ହୋଇଥିଲା। ଏହା ପରେ ଧର୍ମଘଟକୁ ପ୍ରତ୍ୟାହାର କରି ନେଇଛନ୍ତି ଆଳୁ ବ୍ୟବସାୟୀ। ଆଜିଠାରୁ ପଶ୍ଚିମବଙ୍ଗରୁ ଆଳୁ ଯୋଗାଣ ଓଡ଼ିଶାକୁ ସ୍ବାଭାବିକ ହେବ। ରେଟ୍ ମଧ୍ଯ କମିବ ବୋଲି ଆଶା କରାଯାଉଛି।