ବିଧାୟକ ପ୍ରଶିକ୍ଷଣ କାର୍ଯ୍ୟକ୍ରମରେ ସାମିଲ ହେବନି କଂଗ୍ରେସ

ଭୁବନେଶ୍ବର: ନୂଆ କରି ବିଧାନସଭାକୁ ଆସିଥିବା ବିଧାୟକଙ୍କୁ ଦିଆଯିବ ପ୍ରଶିକ୍ଷଣ । ଆସନ୍ତା ୧୭ ଓ ୧୮ ତାରିଖ ଦୁଇଦିନ ଏହି ପ୍ରଶିକ୍ଷଣ ଦିଆଯିବ । ତେବେ ଏହି କାର୍ଯ୍ୟକ୍ରମକୁ ବୟକଟ କରିବ କଂଗ୍ରେସ । ପ୍ରଶିକ୍ଷଣ କାର୍ଯ୍ୟକ୍ରମରେ ତାଙ୍କ ଦଳର ବିଧାୟକମାନେ ଯୋଗ ଦେବେନି ବୋଲି କହିଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ।

ବିଧାନସଭାରେ ନୂଆ ବିଧାୟକଙ୍କ ଦିଗଦର୍ଶନ କାର୍ଯ୍ୟକ୍ରମ ହେଉଥିବା ବେଳେ ବିଧାନସଭାର ସଦସ୍ୟ ନ ଥିବା ନେତାମାନେ ଏହି କାର୍ଯ୍ୟକ୍ରମର ଉଦଘାଟନୀ ଓ ସମାପନ ଉତ୍ସବରେ ମୁଖ୍ଯଅତିଥି ଭାବେ ଯୋଗ ଦେବେ । ଏହା ବିଧାନସଭା ନିୟମକୁ କ୍ଷୁର୍ଣ୍ଣ କରୁଥିବା ଅଭିଯୋଗ କରିଛି କଂଗ୍ରେସ । କାର୍ଯ୍ଯସୂଚୀ ଅନୁସାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାକୁ ଉଦଘାଟନ କରିବେ ଓ ସମାପନ କରିବେ ବିଜେପି ରାଷ୍ଟ୍ରୀଯ ଅଧ୍ଯକ୍ଷ ଜେପି ନଡ୍ଡା। ତେଣୁ ଏହା ଦଳୀୟ ଦିଗଦର୍ଶନ ପରି ଲାଗୁଥିବାର ଅଭିଯୋଗ କରିଛି କଂଗ୍ରେସ ।