ଜଙ୍ଗଲରୁ ଦୁଇ ଯୁବତୀଙ୍କ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?
1 min read
ବୌଦ୍ଧ: ଗାଁ ପାଖ ମହୁଲ ବଣରୁ ଝୁଲନ୍ତା ଅବସ୍ଥାରେ ଉଦ୍ଧାର ହେଲା ଦୁଇ ଯୁବତୀଙ୍କ ମୃତଦେହ । ଘଟଣା ଘଟିଛି ବୌଦ୍ଧ ଜିଲ୍ଲା ଘଣ୍ଟାପଡ଼ା ଥାନା ପତିମାଳ ଗାଁରେ । ମୃତକ ହେଲେ ୨୮ ବର୍ଷୀୟା ରଞ୍ଜିତା ରଣା ଏବଂ ୧୭ ବର୍ଷୀୟା ଟିକି ରାଉତ l
ରଞ୍ଜିତା ବିବାହିତ ହୋଇଥିବା ବେଳେ ଟିକି ଅବିବାହିତ । ଉଭୟଙ୍କ ଗାଁ ଉମା ବୋଲି ଜଣାପଡ଼ିଛି । ସ୍ଥାନୀୟ ଲୋକେ ମୃତଦେହ ଦେଖି ପୋଲିସକୁ ଖବର ଦେଇଥିଲେ । ସୂଚନା ମିଳିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଦୁଇଟିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି । ଏମାନେ ଆତ୍ମହତ୍ୟା କରିଛନ୍ତି କି କେହି ହତ୍ୟା କରି ଟାଙ୍ଗି ଦେଇଛି ତାହା ସ୍ପଷ୍ଟ ହୋଇନାହିଁ । ତେବେ ପୋଲିସ ତଦନ୍ତ ଚାଲିଛି, ଶୀଘ୍ର ମୃତ୍ୟୁର ପ୍ରକୃତ କାରଣ ଜଣାପଡ଼ିବ ।
