କୋଷ୍ଟାଲ ହାଇଓ୍ବେ ପ୍ରସଙ୍ଗରେ ବିଜେପିକୁ ବିଜେଡିର ଟାର୍ଗେଟ
ଭୁବନେଶ୍ବର: କୋଷ୍ଟାଲ ହାଇଓ୍ବେ ପ୍ରସଙ୍ଗକୁ ନେଇ ବିଜେପିକୁ ବିଜେଡିର ଟାର୍ଗେଟ । ଆଲାଇନମେଣ୍ଟ ନାଁରେ ୫ ବର୍ଷ ବିତିଲାଣି। କାମ ତ ଆରମ୍ଭ ହୋଇନି । ହେଲେ ଏବେ ପରିବେଶ ମଞ୍ଜୁରୀ କଥା କହୁଛି ବିଜେପି । ଯଦି ପରିବେଶ ମଞ୍ଜୁରୀ କଥା କହୁଛନ୍ତି, ଏହା କେନ୍ଦ୍ରର ଦାୟିତ୍ବ । କେଉଁଠୁ କେଉଁ ଯାଏଁ କୋଷ୍ଟାଲ ହାଇୱେ ହେବ, ସେ ନିଷ୍ପତ୍ତି ନେଇ ପାରିଥାନ୍ତେ। କିନ୍ତୁ ତାହା ବି କରୁନି ବିଜେପି ସରକାର କହି ଟାର୍ଗେଟ କରିଛି ବିଜେଡି ।
ଦଳ ପକ୍ଷରୁ କୁହାଯାଇଛି ନବୀନ ପଟ୍ଟନାୟକ ନିଜ ଶାସନ କାଳରେ କୋଷ୍ଟାଲ ହାଇୱେ ନିର୍ମାଣ ନେଇ ଆଲୋଚନା କରିଥିଲେ । ୨୦୧୮ରେ କୋଷ୍ଟାଲ ହାଇୱେ ସହ ବିଜୁ ଏକ୍ସପ୍ରେସ ୱେ କଥା ବି ଉଠିଲା । ତତ୍କାଳୀନ ରାଜ୍ୟ ସରକାର ନିଜେ ଦାୟିତ୍ୱ ନେଇ ଅଢେଇ ବର୍ଷରେ ଏହି କାମ କଲେ । ହେଲେ କୋଷ୍ଟାଲ ହାଇୱେରେ ଆଲାଇନମେଣ୍ଟ ନେଇ ଅନାବଶ୍ୟକୀୟ କେଁ ପୂରାଇଲା ବିଜେପି ।
ବିଜେଡି ପକ୍ଷରୁ ଆଗକୁ କୁହାଯାଇଛି, ଏବେ ଦିଲ୍ଲୀ ଗସ୍ତରେ ଅଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ତେଣୁ ସେ ଏହି ସମସ୍ୟାର ସମାଧାନ କରନ୍ତୁ ।
ନବୀନ ସରକାର ଅନେକ ବିକାଶ ମୂଳକ କାର୍ଯ୍ୟ ଦିଗରେ କାମ କରୁଥିଲେ । କିନ୍ତୁ ଏବେର ବିଜେପି ସରକାର କାମ କମ କେବଳ ଚିତ୍କାର ଅଧିକ ବୋଲି କହିଛି ବିଜେଡି । ଡବଲ ଇଞ୍ଜିନ ସରକାର ବାରମ୍ବାର ରାଜ୍ୟକୁ ଅଣଦେଖା କରୁଛି ବୋଲି ଅଭିଯୋଗ କରିଛନ୍ତି ବିଜେଡି ନେତା ଲେନିନ୍ ମହାନ୍ତି ।
