କନ୍ଧମାଳରୁ ଆସିଥିବା ଚୋରା ଗଞ୍ଜେଇ ଭଦ୍ରକରେ ପଡ଼ିଲା ଧରା

ଭଦ୍ରକ: ଟାଟା ଏସିରେ ଗଞ୍ଜେଇ ଚୋରା ଚାଲଣା । କନ୍ଧମାଳରୁ ଭଦ୍ରକକୁ ହେଉଥିଲା ଚାଲାଣ । ଠିକଣା ସ୍ଥାନରେ ପହଞ୍ଚିବା ପୂର୍ବରୁ ମାଡ଼ି ବସିଲା ପୋଲିସ । ଭୁବନେଶ୍ବର ଖଣ୍ଡଗିରି ପୋଲିସ ଟାଟା ଏସିକୁ ବାକୁ କରିବା ସହ ଗଞ୍ଜେଇ ଜବତ କରିଛି ।

ଗଞ୍ଜେଇ ଚୋରା ଚାଲାଣର ଭିଡିଓ ପଦାକୁ ଆସିଛି । ଯେଉଁଥିରେ ଅତି ଚତୁରତାର ସହ ଗଞ୍ଜେଇକୁ ଏକ ଗାଡି ଯୋଗେ ନିଆଯାଉଛି । ଆଉ ଗୋଟିଏ ଭିଡିଓରେ ଡିଲ ପୂର୍ବରୁ କିପରି ଅଭିଯୁକ୍ତ ଗଞ୍ଜେଇର କ୍ବାଲିଟି ଚେକ କରୁଛି ତାହା ଦେଖିବାକୁ ମିଳିଛି । ଗଞ୍ଜେଇ ଅସଲି କି ନକଲି ତାହା ଚେକ କରାଯାଉଛି । ଅଭିଯୁକ୍ତ ଦୁଇ ଜଣ ହେଲେ ସଞ୍ଜୀବ ସେଠୀ ଏବଂ ବାଦଲ ମହାକୁଡ଼ ।

ମୁଖ୍ୟ ଅଭିଯୁକ୍ତ ସଞ୍ଜୀବ ବିବିଏ ପାଠ ପଢୁଆ ହୋଇଥିବା ବେଳେ ତାଙ୍କ ଘର କନ୍ଧମାଳ । ଗତକାଲି ଖଣ୍ଡଗିରି ଥାନାଧିକାରୀ ବିଶ୍ୱସ୍ତ ସୂତ୍ରରୁ ସୂଚନା ପାଇବା ପରେ ନିଜ ଟିମ ସହ ଚଢ଼ାଉ କରି ବିଭିନ୍ନ ପାର୍ଶଲରେ ଥିବା ୧୦୧ କେଜି ଗଞ୍ଜେଇ ଜବତ କରିଛନ୍ତି । ୨୦୨୪ ମସିହାରେ ଭୁବନେଶ୍ୱର ୟୁପିଡ଼ିରେ ୪୨ଟି କେସ ରୁଜୁ ହୋଇଥିବା ବେଳେ ୭୬ ଜଣ ଗିରଫ ହୋଇଛନ୍ତି । ସମୁଦାୟ ୧ ହଜାର ୪୫ କେଜି ଗଞ୍ଜେଇ ଏଯାବତ ଜବତ ହୋଇଥିବା କହିଛନ୍ତି ପୋଲିସ କମିଶନର ।